სენაკის რაიონული სასამართლოს მოსამართლე ლევან ნუცუბიძემ უდანაშაულოდ ცნო ინდიკო ბჟალავა, მოძრაობის „ბალდის კანიონის შესანარჩუნებლად“ წევრი, რომელსაც პროკურატურა ინვესტორი კომპანიის თანამშრომლის ცოლის მიმართ მუქარას ედავებოდა. აქტივისტმა 98 დღე გაატარა უკანონო პატიმრობაში და 19 სექტემბრიდან 10 000 ლარიანი გირაოს საფუძველზე იყო გათავისუფლებული.
ახალი ამბები
მკითხველის რჩეული
- 1 ყვარლის საკრებულოს თავმჯდომარე გივი ზაუტაშვილი და მერის მოადგილე ლევან გელაძე დააკავეს
- 2 საქართველო-აზერბაიჯანის საზღვართან თურქეთის სამხედრო თვითმფრინავი ჩამოვარდა
- 3 „ოცნების“ შს მინისტრის მოადგილის პოსტზე გიორგი ბუთხუზი გიორგი სახოკიამ ჩაანაცვლა
- 4 „უკრაინა რთული არჩევანის წინაშეა“ - ზელენსკიმ ტრამპის გეგმას ერისადმი მიმართვაში უპასუხა
- 5 BBC-ის გამოძიება: თბილისში აქციების დასარბევად I მსოფლიო ომის დროინდელ ქიმიურ იარაღს იყენებდნენ
- 6 ფედერიკა მოგერინი ბრალის წარდგენის შემდეგ გაათავისუფლეს
სასამართლოში ინდიკო ბჟალავას ინტერესებს „სოციალური სამართლიანობის ცენტრი“ იცავდა. არასამთავრობო ორგანიზაციის განცხადებით, საქმეში არსებული გარემოებებით და დაცვის მხარის მიერ მოპოვებული მტკიცებულებებით ცალსახად დადასტურდა, რომ ინდიკო ბჟალავას დანაშაული არ ჩაუდენია.
სამეგრელოში, მარტვილში, ბალდის უნიკალური კანიონის გასხვისებისა და იქ ტურისტული ინფრასტრუქტურის მოწყობის მოწინააღმდეგე აქტივისტებს 2025 წლის 11 ივნისს, გვიან საღამოს, კარავში თავს დაესხნენ. მინდია ბჟალავას დანით 7 ჭრილობა მიაყენეს.
განზრახ მკვლელობის მცდელობისა და მუქარის ბრალდებით, მარტვილის პოლიციამ ძმები, გელა და გიგა ხურცილავები დააკავა. 12 ივნისს დააკავეს პროტესტის აქტიური მონაწილე ინდიკო ბჟალავაც. მას პროკურატურა გელა ხურცილავას ცოლის, სოფიო შაყულაშვილის მიმართ სიცოცხლის მოსპობის მუქარას ედავებოდა.
გამოცემა „მთის ამბების“ მიერ მომზადებულმა ჟურნალისტური გამოძიებამ აჩვენა, რომ 30 წლის აქტივისტის დაკავების, ხოლო შემდეგ უკანონო პატიმრობის საფუძველი გახდა მოწმე მაია კუხალეიშვილის ჩვენება, რომელიც სისხლის სამართლის საქმის გამომძიებლის, ელისო ზარქუას მიერ იყო გაყალბებული.
ბალდელების უწყვეტი პროტესტი 770 დღეზე მეტს ითვლის. ამ ხნის განმავლობაში პროტესტის მონაწილეები არაერთხელ გახდნენ ინვესტორის წარმომადგენლების მხრიდან დევნისა და შეურაცხყოფის მსხვერპლი.
2025 წლის მარტში ბალდის კანიონის ინვესტორი კომპანიის, „კანიონი 350“-ის დირექტორი, გიორგი მერკვილაძე სენაკის რაიონულმა სასამართლომ დამნაშავედ ცნო საპროტესტო მოძრაობის ერთ-ერთი ლიდერის, ცოტნე თვარაძის მიმართ ძალადობის საქმეზე.
დაცული ტერიტორიების სააგენტომ ბალდის კანიონი და მის მიმდებარედ 24 130 კვ.მ. მიწის ნაკვეთი, ტურისტული ინფრასტრუქტურის მოსაწყობად, ელექტრონულ აუქციონზე 2022 წლის 5 ნოემბერს გაიტანა. 29 ნოემბერს იჯარის ხელშეკრულება აუქციონის გამოცხადების შემდეგ დაფუძნებულ კომპანიასთან, შპს „კანიონი 350“-სთან გაფორმდა.
აუქციონში მონაწილე ერთადერთი კომპანიის მესაკუთრეები დაცული ტერიტორიების სააგენტოს ყოფილი თავმჯდომარე ვალერიან მჭედლიძე და რუსეთში საქართველოს ფაქტობრივი ელჩი მამუკა მერკვილაძე არიან.
„კანიონი 350“-ს ხელშეკრულებით გათვალისწინებული ტურისტული ინფრასტრუქტურის მშენებლობა 2025 წლის 29 ნოემბრამდე დაესრულებინა. ბოლო დღეების განმავლობაში ბალდელები - დედები ითხოვენ, დაცული ტერიტორიების სააგენტომ ხელშეკრულების ვადა არ გაახანგრძლივოს.
