აფხაზეთის დე ფაქტო რესპუბლიკის ე.წ. ახლად არჩეული პრეზიდენტის, ბადრა გუნბას განცხადებით, აფხაზეთის რესპუბლიკის მიერ სუვერენიტეტის დაკარგვასთან დაკავშირებით ნებისმიერი საფრთხე გამორიცხულია.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში გარდაცვლილი ტაილანდელი იუთუბერის ოჯახი სუიციდის ვერსიას უარყოფს
- 5 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 6 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
„არ არსებობს და არ შეიძლება იყოს რაიმე საფრთხე ჩვენს სუვერენიტეტთან დაკავშირებით. აფხაზეთის მოსახლეობამ თავისი მომავალი განსაზღვრა. მომავალი, რომელიც სახელმწიფოს, დამოუკიდებელი სახელმწიფოს განვითარებაშია. რუსეთმა მხარი დაუჭირა აფხაზეთის ხალხის ამ გადაწყვეტილებას. ამიტომ, ჩვენ პატივს ვცემთ რუსეთის აზრს“, - განაცხადა მოსკოვში მყოფმა გუნბამ რუსულ მედიასაშუალებებთან ინტერვიუში.
ბადრა გუნბამ აღნიშნა, რომ რუსეთის პრეზიდენტთან მისი შეხვედრა მორიგი დადასტურებაა იმისა, რომ რუსეთი პატივისცემით ეპყრობა აფხაზეთის „დამოუკიდებლობას“ და „სუვერენიტეტს“.
„ცხადია, რუსეთის ფედერაციასთან ურთიერთობა ჩვენი ქვეყნის საგარეო პოლიტიკის პრიორიტეტია. რუსეთი თანმიმდევრულად გვიჭერს მხარს ჩვენი სახელმწიფოს ცხოვრების ყველა სფეროში. ეს მოიცავს უსაფრთხოების, სოციალურ-ეკონომიკური განვითარების და ინფრასტრუქტურის გაუმჯობესების საკითხებს“, - განაცხადა გუნბამ.
ვლადიმერ პუტინმა ოკუპირებული აფხაზეთის ე.წ. პრეზიდენტი კრემლში 5 მარტს მიიღო და „არჩევნებში“ გამარჯვება პირადად მიულოცა. პუტინი გუნბას აფხაზეთში პასპორტიზაციის პროგრამის გაგრძელებას დაჰპირდა.
რუსეთის მიერ ოკუპირებულ აფხაზეთში ე.წ. ვადამდელი საპრეზიდენტო არჩევნების მეორე ტური 1-ელ მარტს გაიმართა და გამარჯვებულად ბადრა გუნბა გამოცხადდა. ის კრემლის მიერ მხარდაჭერილი კანდიდატი იყო.
