2-10 აგვისტოს, აჭარის მაღალმთიანეთში, „შუამთობის“ სახალხო დღესასწაული აღინიშნება. ბეშუმში, ჩირუხსა და ზორტიყელში მუსიკალური ჯგუფების მონაწილეობით კონცერტებია დაგეგმილი. „კახაბერი და ხანუმების“, „ღამის შოუს ბენდის“, „ურსას“ და „გორდელას“ კონცერტების ორგანიზებისთვის აჭარის კულტურის სამინისტრო 154 179 ლარს დახარჯავს, აქედან 136 229 ლარი - ჰონორარებისთვისაა გათვალისწინებული.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 6 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
კულტურის სამინისტრომ გამარტივებული შესყიდვის შესახებ თანხმობის მისაღებად სახელმწიფო შესყიდვების სააგენტოს დღეს, 29 ივლისს მიმართა.
მუსიკალური ჯგუფი „კახაბერი და ხანუმები“ და „ურსა“ 2 აგვისტოს, ხულოს მუნიციპალიტეტში, ბეშუმში გამართავენ კონცერტს. „ურსა“ 4 აგვისტოს შუახევის მუნიციპალიტეტში, ჩირუხში დაგეგმილ კონცეტზეც გამოვა ანსამბლ „გორდელასთან“ ერთად, ხოლო 10 აგვისტოს ზორტიყელში „ღამის შოუს ბენდი“ იმღერებს.
მუსიკალურ ჯგუფებზე ჰონორარები შემდეგნაირად განაწილდება:
- „გორდელა – 16 000 ლარი;
- „კახაბერი და ხანუმები“ – 29 500 ლარი;
- „ურსა“ – 60 000 ლარი;
- „ღამის შოუს ბენდი“ – 30 729 ლარი.
მუსიკალური ჯგუფების თბილისიდან აჭარაში ტრანსპორტირებისა და სასტუმროში განთავსების ხარჯისთვის 17 950 ლარი დაიხარჯება.
„დღეასაწაული „შუამთობა“ ძირითადად ადგილობრივი კულტურის პოპულარიზაციისკენ არის მიმართული, მოწვეული მუსიკალური ჯგუფების მუსიკალური ნომრების დიდი ნაწილი მოიცავს ადგილობრივ მოტივებზე შექმნილ რეპერტუარს. აღნიშნული რეპერტუარი დიდი პოპულარობით სარგებლობს ადგილობრივ მოსახლეობაში“, - ასე ასაბუთებს ავტონომიური რესპუბლიკის კულტურის სამინისტრო გამარტივებული შესყიდვის აუცილებლობას.
