Վրաստանում Ամերիկայի Միացյալ Նահանգների և Մեծ Բրիտանիայի դեսպանները ողջունում են «Մթավարի արխի» հեռուստաընկերության գլխավոր տնօրեն Նիկա Գվարամիային ներում շնորհելու նախագահ Սալոմե Զուրաբիշվիլիի որոշումը։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
- 5 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 6 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
Ինչպես ասել է Քելի Դեգնանը, նախագահի որոշումը կարևոր ներդրում է Վրաստանում բևեռացման նվազեցման գործում։
«Հիմա վրացիներին պառակտելու ժամանակը չէ, հիմա վրացիների միասին կանգնելու ժամանակն է։ Նախագահ Զուրաբիշվիլին հստակ հայտարարեց, որ դա իր որոշումն է։ Միացյալ Նահանգները և մյուս գործընկերները ի սկզբանե մտահոգություն են հայտնել դեպքի վերաբերյալ, սակայն մտահոգություն հայտնելն այն է, թե ինչ են անում ընկերները, երբ նրանք մտահոգված են և դա չի նշանակում միջամտություն: Նախագահ Զուրաբիշվիլին շատ լուրջ է վերաբերվում ներման իրավունքին և որոշում է կայացնում»,- ասել է Քելի Դեգնանը։
Ամերիկայի դեսպանը նշել է, որ Նիկա Գվարամիայի գործն ի սկզբանե խնդրահարույց է եղել։
«Ողջունում եմ Նիկա Գվարամիային ներում շնորհելու և նրան բանտից ազատելու որոշումը»,- Twitter-ում գրել է Մեծ Բրիտանիայի դեսպան Մարկ Քլեյթոնը։ «Սա ճիշտ որոշում է Վրաստանի եվրատլանտյան ինտեգրման ճանապարհին»։
Առաջիններից մեկը, ով ողջունել է Սալոմե Զուրաբիշվիլիի որոշումը, եղել է Եվրոպական խորհրդի նախագահը։ Շառլ Միշելը նույնպես կարծում է, որ ներման որոշումը անհրաժեշտ քայլ է Վրաստանի ապաբևեռացման ուղղությամբ։
Հունիսի 21-ին նախագահ Սալոմե Զուրաբիշվիլին ներում է շնորհել «Մթավարի արխի» հեռուստաընկերության հիմնադիր և գլխավոր տնօրեն Նիկա Գվարամիային։ Ինչպես նա է ասել, այս որոշումը կայացրել է այն բանից հետո, երբ Գերագույն դատարանը Գվարամիայի վճռաբեկ բողոքն անընդունելի է ճանաչել, և այդպիսով բոլոր իրավական քայլերը սպառվել են։ «Ես չեմ պատրաստվում ձեզ հետ կիսվել որևէ բացատրությամբ, քանի որ դա իմ հայեցողական իրավունքն է»,- հայտարարել է նախագահ Զուրաբիշվիլին օրվա վերջում կայացած ճեպազրույցում։
Նիկա Գվարամիան կալանքի տակ էր 2022 թվականի մայիսի 16-ից։ «Ռուսթավի 2» հեռուստաընկերության ղեկավարման ժամանակ պաշտոնեական լիազորությունները չարաշահելու մեղադրանքով նա դատապարտվել է 3 տարի 6 ամիս ժամկետով ազատազրկման։
Այս թեմայով՝
Գվարամիայի ներումը ծանր կանդրադառնա Զուրաբիշվիլիի քաղաքական կենսագրության վրա. Վոլսկի
