უკრაინის შეიარაღებული ძალების ყოფილი მთავარსარდალი, ვალერი ზალუჟნი დიდ ბრიტანეთში უკრაინის საგანგებო და სრულუფლებიან ელჩად დაინიშნა. ეს თანამდებობა გასული წლის ივლისიდან ვაკანტური იყო.
ახალი ამბები
მკითხველის რჩეული
- 1 ყვარლის საკრებულოს თავმჯდომარე გივი ზაუტაშვილი და მერის მოადგილე ლევან გელაძე დააკავეს
- 2 საქართველო-აზერბაიჯანის საზღვართან თურქეთის სამხედრო თვითმფრინავი ჩამოვარდა
- 3 „ოცნების“ შს მინისტრის მოადგილის პოსტზე გიორგი ბუთხუზი გიორგი სახოკიამ ჩაანაცვლა
- 4 „უკრაინა რთული არჩევანის წინაშეა“ - ზელენსკიმ ტრამპის გეგმას ერისადმი მიმართვაში უპასუხა
- 5 BBC-ის გამოძიება: თბილისში აქციების დასარბევად I მსოფლიო ომის დროინდელ ქიმიურ იარაღს იყენებდნენ
- 6 თურქეთის თავდაცვის სამინისტროს განცხადებით, საქართველოში ჩამოვარდა C130 თვითმფრინავი
პრეზიდენტმა ვოლოდიმირ ზელენსკიმ გენერალ ვალერი ზალუჟნის კანდიდატურა 7 მარტს დაამტკიცა და როგორც განმარტა, დიპლომატიის მიმართულებით წასვლა სწორედ ზალუჟნის სურვილი იყო.
„ჩვენი ალიანსი ბრიტანეთთან მხოლოდ უნდა გაძლიერდეს“, - აღნიშნა პრეზიდენტმა ყოველდღიურ მიმართვაში.
ვოლოდიმირ ზელენსკიმ ვალერი ზალუჟნი, რომელიც უკრაინის შეიარაღებულ ძალებს 2021 წლიდან მეთაურობდა და გამოკითხვების მიხედვით უკრაინაში ყველაზე პოპულარულ სამხედროდ ითვლებოდა, თანამდებობიდან 8 თებერვალს გაათავისუფლა და მის ნაცვლად გენერალ-პოლკოვნიკი ალექსანდრ სირსკი დანიშნა.
„მადლობელი ვარ გენერალ ზალუჟნის ორი წლის განმავლობაში თავდაცვისთვის. მე ვაფასებ ყველა გამარჯვებას, რომელსაც ჩვენ ერთად მივაღწიეთ“, - განაცხადა ზელენსკიმ.
ზალუჟნის შესაძლო გადაყენების შესახებ მედია რამდენიმე კვირის განმავლობაში წერდა. ერთ-ერთი ვერსიით, ვოლოდიმირ ზელენკის უკმაყოფილება გამოიწვია ვალერი ზალუჟნის პოპულარობამ და ასევე, The Economist-ის მიერ ნოემბერში გამოქვეყნებულმა ინტერვიუმ, სადაც გენერალი ამბობდა, რომ ომი ჩიხში შევიდა და გათვლა რუსეთის გამოფიტვაზე, შეცდომა იყო. უკრაინის ხელისუფლების წარმომადგენლები მთავარსარდალსა და პრეზიდენტს შორის კონფლიქტის არსებობას უარყოფდნენ.
ვოლოდიმირ ზელენსკიმ, თანამდებობიდან გათავისუფლების შემდეგ, ვალერი ზალუჟნის უკრაინის გმირის წოდება მიანიჭა.
