„ქართულმა ოცნებამ“ პარლამენტის თავდაცვის კომიტეტში პირველი მოსმენით დაუჭირა მხარი ცვლილებებს, რომელიც წვევამდელთა გაწვევის წესებს ამკაცრებს. თავდაცვის სამინისტროს მიერ მომზადებული პროექტით, უწყების ჩაუბარებლობა პირს პასუხისმგებლობისგან ვეღარ გაათავისუფლებს.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 6 საქართველოს კათოლიკოს-პატრიარქი ილია II გარდაიცვალა
კანონპროექტის მიხედვით, უწყების ჩაუბარებლობა წვევამდელს პასუხისმგებლობისგან ვეღარ გაათავისუფლებს. დადგინდა შეტყობინების მიწოდების ახალი წესი: უწყების ხელზე გადაცემა (ხელმოწერით); შეტყობინება შეიძლება მოვიდეს SMS-ით ან ელექტრონული ფოსტით; თუ პირი 2 დღის ვადაში არ უპასუხებს SMS-ს ან მეილს, უწყება გამოქვეყნდება უწყების ოფიციალურ საიტზე. გამოქვეყნებიდან მე-7 დღეს უწყება ჩაბარებულად ჩაითვლება, მიუხედავად იმისა, ნახა ის წვევამდელმა თუ არა.
ყველაზე მნიშვნელოვანი ცვლილება საზღვარგარეთ მყოფ მოქალაქეებს ეხება: საზღვარგარეთ დროებით მყოფი წვევამდელი ვალდებული იქნება, გაწვევის შესახებ შეტყობინების მიღებისთანავე (მათ შორის საიტზე გამოქვეყნების შემთხვევაშიც) დაბრუნდეს საქართველოში და გამოცხადდეს კომისიაში.
საიტზე უწყების ოფიციალურად ჩაბარებულად მიჩნევიდან პირს 10 კალენდარული დღე ეძლევა შესაბამის ორგანოში გამოსაცხადებლად.
სიახლეებია საკონტრაქტო (პროფესიულ) სამსახურთან დაკავშირებითაც: თუ პირი სამხედრო კონტრაქტს ვადაზე ადრე შეწყვეტს, ის ავტომატურად გადავა 8-თვიან სავალდებულო სამსახურში (თუ არ აქვს გადავადების კანონიერი საფუძველი).
კონტრაქტის დარღვევისთვის დაკისრებული ჯარიმა პირს 8 თვით გადაუვადდება, ხოლო სავალდებულო სამსახურის დასრულების შემდეგ, საერთოდ გაუუქმდება.
„ქართული ოცნება“ ასევე განსაზღვრავს წვევამდელის ოჯახის წევრთა წრეს, რომელთაც უწყების ჩაბარების უფლება ექნებათ, რაც კიდევ უფრო ამცირებს უწყების არიდების შესაძლებლობას.
