მაშველებმა გორის მუნიციპალიტეტის სოფელ ფხვენისთან, მდინარე ლიახვში ბავშვის ცხედარი იპოვეს. 14 წლის მოზარდი დინებამ ოკუპირებული ცხინვალიდან, 19 ივნისს გაიტაცა.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 3 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 4 რა წერია უცხოური გრანტების წინააღმდეგ „ქართული ოცნების“ კანონპროექტში
- 5 აქციის მონაწილეებმა რუსთაველის გამზირზე, 9 აპრილის მემორიალთან ღამე გაათენეს
- 6 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
დე ფაქტო სამხრეთ ოსეთის საგანგებო სიტუაციების სამინისტროს ინფორმაციით, ცხედრის პოვნის შესახებ საქართველოს ხელისუფლებამ ე.წ. პრეზიდენტის სრულუფლებიან წარმომადგენელს პოსტკონფლიქტური დარეგულირების საკითხებზე, ეგორ კოჩიევს აცნობა.
„შემთხვევის ადგილზე კრიმინალისტები მუშაობენ, ცხედრის გადმოცემის პროცედურის შესახებ ინფორმაცია მოგვიანებით გავრცელდება“, - განაცხადეს დილით ე.წ. სამინისტროში.
14 წლის ბიჭი მდინარე ლიახვმა, ოთხშაბათს ნაშუადღევს გაიტაცა. შემთხვევა ქალაქ ცხინვალში, „ძველი ხიდის“ რაიონში მოხდა. მაშველებმა ბავშვის დაჭერა ვერ შეძლეს, ძლიერმა დინებამ ის საქართველოს ცენტრალური ხელისუფლების მიერ კონტროლირებადი ტერიტორიისკენ წაიღო. დე ფაქტო ხელისუფლებამ „ცხელი ხაზის“ საშუალებით დახმარებისთვის თბილისს მიმართა.
სამძებრო სამუშაოები სოფელ ნიქოზში, კაშხლის ტერიტორიაზე დღის მეორე ნახევრიდან მიმდინარეობდა.
