ოკუპირებული ცხინვალის რეგიონის დე ფაქტო მინისტრთა კაბინეტმა ე.წ. სახელმწიფო საზღვრის და ბუნებრივი რესურსების დაცვის დროს იარაღის გამოყენების წესში ცვლილებები შეიტანა. განახლებული დოკუმენტის მიხედვით, „სახელმწიფო საზღვრის დაცვისას“ შესაძლებელი იქნება იარაღის გამოყენება უპილოტო საფრენი აპარატების წინააღმდეგაც.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
ე.წ. სამხრეთ ოსეთის რესპუბლიკის სახელმწიფო უსაფრთხოების კომიტეტის უფროსის მოვალეობის შემსრულებელმა, ვალერიან ალიხანტიმ განაცხადა, რომ ე.წ. საზღვარზე საქართველოს მხრიდან უპილოტო საფრენი აპარატების გამოყენების შემთხვევები მზარდია.
ალიხანტის თქმით, სამხრეთ ოსეთის ტერიტორიაზე სახელმწიფო საზღვრისა და ბუნებრივი რესურსების დაცვის მიზნით იარაღისა და სამხედრო ტექნიკის გამოყენების წესს მთავრობის 2009 წლის 18 დეკემბრის დადგენილება არეგულირებს.
„დოკუმენტში მითითებულია უპილოტო საფრენი აპარატების და უპილოტო საჰაერო სისტემების - ვერტმფრენების, თვითმფრინავების წინააღმდეგ იარაღის გამოყენების პროცედურა. ასეთ პირობებში სამხრეთ ოსეთის სასაზღვრო ხელისუფლებას არ აქვს უფლება კანონიერად გამოიყენოს იარაღი და სამხედრო ტექნიკა სახელმწიფო საზღვრის დარღვევების შესაჩერებლად, ან დარღვევის მცდელობების აღსაკვეთად, რაც არ იძლევა საშუალებას საზღვრის უსაფრთხოების უზრუნველყოფის ამოცანები სრულად შესრულდეს. ცვლილებები უპილოტო საფრენი აპარატების მიერ სახელმწიფო საზღვრის დარღვევის შემთხვევაში იარაღის გამოყენების საშუალებას იძლევა“, - განაცხადა ალიხანტიმ.
მის მიერ წარდგენილ ცვლილებებს ე.წ. მინისტრთა კაბინეტმა მხარი დაუჭირა.
