წალენჯიხის მუნიციპალიტეტის მერიამ, ქალაქ ჯვარში, მდინარე მაგანას მიმდებარედ მცხოვრები ოჯახები გააფრთხილა, საშიშროების თავიდან აცილების მიზნით, ამაღამ საცხოვრებელ სახლებს გაერიდონ.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
ჯვრის მცხოვრებლებმა შენიშნეს, რომ მდინარეში წყლის ნაკადი შემცირებული იყო. ადგილობრივებმა ივარაუდეს, რომ შესაძლოა, ხეობაში წყალი დაგუბდა.
ხელისუფლების წარმომადგენლებმა ხეობის ნაწილი აეროგადაღების კამერით დაათვალიერეს, თუმცა წალენჯიხის მერის, გიორგი ხარჩილავას ინფორმაციით, ხოკოს ხეობის ზედა ნაწილის დათვალიერება დაღამების გამო ვერ მოხერხდა. მისივე თქმით, ხვალიდან ტერიტორიის შესწავლაში სპეციალისტები ჩაერთვებიან.
გარემოს ეროვნული სააგენტოს ინფორმაციით, 9 სექტემბრიდან 10 სექტემბრის დილამდე დასავლეთ საქართველოს უმეტეს და აღმოსავლეთ საქართველოს ზოგიერთ რაიონში კვლავ ძლიერი ნალექები, ელჭექი და სეტყვაა მოსალოდნელი. იქროლებს დასავლეთის მიმართულების ძლიერი ქარი. ზღვაზე შესაძლებელია 3-4 ბალიანი შტორმული ღელვა.
9 სექტემბრიდან მოსალოდნელია ჰაერის ტემპერატურის მნიშვნელოვანი დაცემა და მაღალმთიან რეგიონებში შესაძლებელია თოვლჭყაპი აღინიშნოს.
მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
8 სექტემბერს, ძლიერი წვიმის შედეგად გურიაში მეწყრული პროცესები განვითარდა, რასაც ერთი ხანდაზმულის და 2 ბავშვის სიცოცხლე ემსხვერპლა. დაინგრა რამდენიმე სახლი, დაზიანდა ინფრასტრუქტურა. ამ დრომდე გარესამყაროს არის მოწყვეტილი გურიის რამდენიმე სოფელი.
