თბილისში, დიდუბე-ავჭალის მონაკვეთზე, შტადლერის ორსართულიანი სამგზავრო მატარებლი სამუშაო პლატფორმას დაეჯახა, რის შედეგადაც ორი ადამიანი დაიღუპა. გარდაცვლილები „საქართველოს რკინიგზის“ თანამშრომლები არიან, რომლებიც გეგმიურ სამუშაოებს ასრულებდნენ.
ახალი ამბები
მკითხველის რჩეული
- 1 ირაკლი ღარიბაშვილი მხნედაა, საზოგადოებისთვის გზავნილი არ დაუბარებია – ადვოკატი
- 2 ზახაროვა: რუსეთის წყალობით საქართველო ეკონომიკის ზრდის რეკორდულ ტემპს აჩვენებს
- 3 შსს ოზურგეთში მომხდარზე: სუს-ის თანამშრომელმა იარაღი ამოიღო, მაგრამ არ გამოუყენებია
- 4 საპროცესო შეთანხმების შემდეგ ყოფილ პრემიერ-მინისტრ ღარიბაშვილს 5 წლით პატიმრობა შეეფარდა
- 5 მიხეილ ყაველაშვილმა ნათლისღებასთან დაკავშირებით 159 მსჯავრდებული შეიწყალა
- 6 ლავროვი: „3+3“ ფორმატში საქართველოსთვის კარი ღიაა
მომხდარის გამო ბათუმი-თბილისის მიმართულებით მოძრავი მატარებელი გაჩერებულია. „საქართველოს რკინიგზის“ ინფორმაციით, მგზავრებს შორის დაშავებულები არ არიან.
„მომხდარის შესახებ მიმდინარეობს დეტალური მოკვლევა, ხოლო შემთხვევის ადგილზე საგამოძიებო პროცედურები, რის შემდეგაც განხორციელდება ბათუმი-თბილისის მატარებლის ტრანსპორტირება თბილისი ცენტრალის მიმართულებით“, - განაცხადეს „საქართველოს რკინიგზაში“.
ამასთან, „საქართველოს რკინიგზა“ ღრმა მწუხარებას გამოთქვამს მომხდარი ფაქტის გამო და უსამძიმრებს თანამშრომლებსა და გარდაცვლილთა ოჯახებს.
პოლიციამ გამოძიება სისხლის სამართლის კოდექსის 275-ე მუხლით დაიწყო, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
