15 ივლისიდან ტაილანდში ტურისტული მიზნით ჩასულ საქართველოს მოქალაქეებს აეროპორტში სავიზო განაცხადის შევსება აღარ მოუწევთ - ისინი ქვეყანაში შესვლას და 60 დღემდე დარჩენას უვიზოდ შეძლებენ.
ახალი ამბები
მკითხველის რჩეული
- 1 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 2 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 5 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
- 6 მანდატურზე თავდასხმის ბრალდებით დააკავეს აქტივისტი ნინო დათაშვილი
ტაილანდმა 60-დღიანი უვიზო მიმოსვლა 93 ქვეყნისთვის შემოიღო, მათ შორის არიან საქართველო, თურქეთი, ჩეხეთი, უნგრეთი, ფინეთი, ესპანეთი.
ტაილანდში უვიზოდ შესვლისთვის, როგორც წესი, ერთადერთი საჭირო საბუთია პასპორტი, რომელსაც ტაილანდში ჩასვლის დღიდან მოქმედების არანაკლებ 6 თვიანი ვადა უნდა ჰქონდეს დარჩენილი. თუმცა, მესაზღვრეს შეუძლია მოითხოვოს დამატებითი დოკუმენტაციაც:
- 60 დღის განმავლობაში უკან დასაბრუნებელი ბილეთი;
- საკმარისი ფინანსები (20 000 ტაილანდური ბატი (დაახლოებით 1500 ლარი) ერთ ადამიანზე, ან 40 000 ბატი ოჯახის შემთხვევაში);
- ქვეყანაში დროებითი საცხოვრებლის დამადასტურებელი საბუთი (მაგ. სასტუმროს ჯავშანი).
60 დღეზე ხანგრძლივი მოგზაურობისთვის ან არატურისტული მიზნებისთვის საქართველოს მოქალაქეებს კვლავ დასჭირდებათ ვიზის აღება. ვიზა გაიცემა თურქეთის დედაქალაქ ანკარაში ტაილანდის სამეფოს საელჩოს საკონსულო სამსახურის მიერ.
