შოვში, სტიქიის ზონაში, დღეს ექვსი ცხედარი იპოვეს. დაღუპულთა რაოდენობა 17-მდე გაიზარდა. როგორც საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა, ცხედრები ნანახია ერთი და იგივე, ე.წ. კოტეჯების ადგილას.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
„ეს არის ის ადგილი, სადაც, ჩვენი ვარაუდოთ, კიდევ უნდა იყოს ცხედრები. ამ ეტაპზე იდენტიფიცირებულია 7 ცხედარი, პროცესი გრძელდება და დღის ბოლომდე ვფიქრობ, რომ გარკვეული სიახლეები გვექნება ამ მიმართულებით. დღეს ორი მანქანა აღმოვაჩინეთ მდინარის კალაპოტში. შიგნით არ აღმოჩნდნენ ადამიანები. ერთ-ერთი მანქანის მეპატრონეები დადგენილი გვყავს და ცოცხლები და ჯანმრთელები არიან“, - აღნიშნა თემურ მღებრიშვილმა.
სამაშველო ღონისძიებები ღამის განმავლობაშიც გაგრძდელდება. მღებრიშვილის თქმით, მოეწყო მდინარეზე გადასასვლელი რკინის კონსტრუქციის ხიდი, რაც სტიქიის ზონაში ყველა საჭირო ტექნიკის შეყვანის საშუალებას იძლევა.
„მთელი ღამის განმავლობაში აქტიურად გავაგრძელებთ სამუშაოებს, არის ღამის განათებები და საძიებო სამუშაოები გაგრძელდება 24 საათიან სამუშაო რეჟიმში“, - განაცხადა თემურ მღებრიშვილმა.
სტიქიის ზონაში ამ დრომდე დაკარგულად მიიჩნევა დაახლოებით 20 ადამიანი, მათ შორის ბავშვებიც არიან. დღის განმავლობაში სამძებრო-სამაშველო სამუშაოებში ჩართულებები იყვნენ მეხანძრე-მაშველები, პოლიციის დანაყოფები, დრონები, სპეცტექნიკა, სასაზღვრო პოლიციის ვერტმფრენი და კინოლოგთა ჯგუფი.
