სპეციალური საგამოძიებო სამსახურის თანამშრომლებმა სპორტული კომენტატორის, სანდრო ცნობილაძის საცხოვრებელ ბინაში ჩხრეკა ჩაატარეს. ცნობილაძე საგამოძიებო მოქმედებებს პროევროპულ აქციებში მონაწილეობას უკავშირებს. სპეციალურ საგამოძიებო სამსახურში კი აცხადებენ, რომ საქმე ეხება „დაზარალებული ქალის ინტიმური შინაარსის მასალის უკანონოდ მოპოვებას“.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
„ჩხრეკაზე შემოვიდნენ დილას და მიმდინარეობს საგამოძიებო მოქმედებები. აქ არის ადვოკატიც. არ ვიცი, რას ეძებენ. ამოიღეს ტელეფონები, ლეპტოპები და კომპიუტერი“, - უთხრა სანდრო ცნობილაძემ მისი სახლის კართან მისულ ჟურნალისტებს.
შეკითხვაზე, რას უკავშირებს ჩხრეკას, განაცხადა: „იმას, რომ სულ აქციებზე ვარ“.
სპეციალური საგამოძიებო სამსახურის წარმომადგენლის თქმით, საგამოძიებო მოქმედება სასამართლოს განჩინების საფუძველზე, დაზარალებულის მითითებით, „პირადი ცხოვრების ამსახველი ინტიმური შინაარსის ფოტოებთან დაკავშირებით“ ჩაატარეს და კომპიუტერული ტექნიკა ამოიღეს.
„დაზარალებული ქალის მომართვის საფუძველზე მიმდინარეობს გამოძიება პირადი ცხოვრების ამსახველი ინტიმური შინაარსის ფოტოების უკანონოდ მიოპოვების ფაქტთან დაკავშირებით. დაზარალებული მიუთითებდა პიროვნებაზე, ვისთანაც ჩავატარეთ პირადი ჩხრეკა. ასევე, Meta-დან მოსული ინფორმაცია ემთხვევა იმ მისამართს, საიდანაც ყალბი ექაუნთის გამოყენებით პიროვნება უკანონოდ მოიპოვებდა ინტიმური შინაარსის ფოტომასალას. ბრალდებაზე არ არის საუბარი [...] სხვა დეტალებს ამ ეტაპზე ვერ გეტყვით. მიმდინარეობს გამოძიება“, - აღნიშნა გამომძიებელმა ვასილ კაკაშვილმა.
საგამოძიებო უწყებებმა ბოლო თითქმის სამი თვის განმავლობაში ჩხრეკა პროევროპული აქციების არაერთი აქტიური მონაწილის ბინაში ჩაატარეს, რაც მათი დაშინების მცდელობად შეფასდა.
