მთავრობა გეგმავს, ონკოლოგიური პაციენტებისთვის მედიკამენტების დაფინანსების 25 000-ლარიანი წლიური ლიმიტი გააუქმოს. ამის შესახებ საქართველოს ჯანდაცვის მინისტრმა, ზურაბ აზარაშვილმა დღეს, პარლამენტში გამოსვლის დროს განაცხადა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
- 5 ციხიდან ვადაზე ადრე გაათავისუფლეს ლაშა ფურცხვანიძე, რომელმაც 13 წლის ბავშვი იმსხვერპლა
- 6 „სააფთიაქო ნარკომანიის“ საქმეზე დააპატიმრეს ჯანდაცვის მინისტრის ყოფილი მოადგილე
აზარაშვილის თქმით, სამინისტრო ძვირადღირებულ ონკოლოგიურ მედიკამენტებთან დაკავშირებით მწარმოებლებთან პირდაპირ მოლაპარაკებებს აწარმოებს.
„გასულ კვირაში, ჩემი მოადგილე, შესაბამის ჯგუფთან ერთად, უკვე იყო შვეიცარიაში ორ ცნობილ მწარმოებელთან. პირდაპირი მოლაპარაკებების საფუძველზე, მომავალი თვიდან ამ კომპანიებთან კონტრაქტები გვექნება და სახელმწიფო, ჩვენი გათვლებით, 40-დან 50 პროცენტამდე დაზოგავს ონკოლოგიურ მედიკამენტებზე გადასახდელ ფასს.
შესაბამისად, ჩვენ გვექნება შესაძლებლობა, რომ ონკლოგიურ მედიკამენტებზე დაწესებული 25 000-ლარიანი ლიმიტი, მედიკამენტების ნაწილში, საერთოდ გავაუქმოთ და სრულად უზრუნველვყოთ ჩვენი მოქალაქეების საჭირო მედიკამენტებით დაკმაყოფილება“, - განაცხადა აზარაშვილმა.
ჯანდაცვის მინისტრმა ბავშვთა ონკოლოგიის შესახებაც ისაუბრა. მისი თქმით, უკვე დაწყებულია პროექტი, რომლის ფარგლებშიც, 18 წლამდე ასაკის 300-მდე ბავშვს მსოფლიოს სხვადასხვა კლინიკებში დიაგნოსტიკა და მკურნალობა დაუფინანსდება: „მათ პროტონოთერაპიასაც კი შევთავაზებთ, რომელიც ესპანეთში გაუკეთდებათ, ხოლო მას შემდეგ, რაც ეს სერვისი სრულად ინტეგრირებული გვექნება რესპუბლიკურ საავადმყოფოში, საქართველოშიც, ქუთაისშიც, გვექნება პროტონოთერაპიის შესაძლებლობა, უკვე აქ გააგრძელებენ მკურნალობას“.
