საქართველოს საკონსტიტუციო სასამართლოს ინფორმაციით, პრეზიდენტის იმპიჩმენტის თაობაზე კონსტიტუციური წარდგინება განსახილველად საკონსტიტუციო სასამართლოს პლენუმს გადაეცა, რომელიც მას განიხილავს და პარლამენტს დასკვნას ერთი თვის ვადაში წარუდგენს.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
კონსტიტუციური წარდგინებით - „საქართველოს პარლამენტის წევრები ირაკლი კობახიძე, შალვა პაპუაშვილი, მამუკა მდინარაძე და სხვები (სულ 80 დეპუტატი) საქართველოს პრეზიდენტის იმპიჩმენტის თაობაზე“ საკონსტიტუციო სასამართლოს 2023 წლის 12 სექტემბერს მიმართეს.
მმართველი პარტიის „ქართული ოცნების“ თავმჯდომარე ირაკლი კობახიძემ 1-ელ სექტემბერს თქვა, რომ საქართველოს პრეზიდენტის სალომე ზურაბიშვილის იმპიჩმენტის პროცედურას იწყებენ. პარტია პრეზიდენტს კონსტიტუციის უხეშ დარღვევაში ადანაშაულებს, რადგან მთავრობის უარის მიუხედავად, სალომე ზურაბიშვილმა ევროპელ ლიდერებთან შეხვედრები მაინც დაიწყო საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად.
საქართველოს მთავრობამ პრეზიდენტს უარი უთხრა უკრაინაში, გერმანიაში, პოლონეთში, შვეიცარიაში, ბელგიაში, დანიაში, არაბთა საამიროებში, ისრაელში, ბულგარეთსა და ჩეხეთში ვიზიტებზე. მთავრობის განმარტებით, კონსტიტუციის თანახმად, ქვეყნის საგარეო პოლიტიკის განხორციელება მხოლოდ საქართველოს მთავრობის უფლებამოსილებაა.
მთავრობის უარის მიუხედავად, პრეზიდენტმა მაინც დაიწყო ევროპელ ლიდერებთან შეხვედრები და თქვა, რომ მის გადადგომაზე „ოცნება ყველამ უნდა დაივიწყოს“.
თუ საკონსტიტუციო სასამართლო თავისი დასკვნით დაადასტურებს, რომ პრეზიდენტმა კონსტიტუცია დაარღვია, სალომე ზურაბიშვილის გადასაყენებლად 100 დეპუტატის ხმაა საჭირო, „ქართულ ოცნებას“ კი პარლამენტში მხოლოდ 84 წევრი ჰყავს. ოპოზიცია აცხადებს, რომ პრეზიდენტის იმპიჩმენტს მხარს არ დაუჭერს.
