„სრული დარწმუნებით შემიძლია ვთქვა: იმ ფაქტმა, რომ ჩვენი სახმელეთო საზღვრები ბოლო წლების განმავლობაში დაკეტილია, ძალიან დიდი კატასტროფებისაგან გადაგვარჩინა. დღესაც კი, როდესაც საზღვრები დაკეტილი რჩება, სახიფათო ქმედებები ხორციელდება და მათი აღკვეთა ხდება“, - განაცხადა აზერბაიჯანის პრეზიდენტმა ილჰამ ალიევმა ახლად არჩეული პარლამენტის პირველ სხდომაზე გამოსვლისას.
ახალი ამბები
მკითხველის რჩეული
- 1 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 2 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 3 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 4 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 5 Meta ფაქტების გადამოწმების პროგრამას წყვეტს
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
აზერბაიჯანული მედიის ცნობით, ალევმა თქვა, რომ რესპუბლიკა მხოლოდ გარე საფრთხეების წინაშეა, შიდა რისკები კი არ არსებობს.
„აზერბაიჯანში მრავალი წელია უზრუნველყოფილია უსაფრთხოება, სიმშვიდე და სტაბილურობა, რაც შეიძლება იყოს მაგალითი მთელი მსოფლიოსთვის. ყველამ იცის, რომ ვერც ერთი სახელმწიფო ვერ განვითარდება სტაბილურობის გარეშე. დღეს ყველა ნათლად ხედავს დარღვეული სტაბილურობის მქონე ქვეყნების მდგომარეობას და მათ ბედს. სტაბილურობა უსაფრთხოების, განვითარებისა და უცხოური ინვესტიციების მოზიდვის მთავარი პირობაა“, - აღნიშნა ილჰამ ალიევმა.
აზერბაიჯანის ტერიტორიაზე კორონავირუსის გავრცელების პრევენციის საბაბით 2020 წლის მარტიდან დაწესებული და არაერთხელ გახანგრძლივებული სპეციალური საკარანტინო რეჟიმი 2024 წლის 1-ელ ოქტომბერს სრულდება. არ არის გამორიცხული, ხელისუფლებამ აღნიშნული რეჟიმი კიდევ სამი თვით გაახანგრძლივოს.
აზერბაიჯანს სახმელეთო საზღვარი საქართველოსთან, რუსეთთან, სომხეთთან, თურქეთთან და ირანთან აქვს. ოთხ წელზე მეტია ამ ქვეყნებიდან აზერბაიჯანში შესვლა მხოლოდ საჰაერო ტრანსპორტით არის შესაძლებელი.
