საქართველოში არჩევნებმა მშვიდ ვითარებაში ჩაიარა - კარასინი

„თბილისიდან მიღებული ინფორმაციის მიხედვით, საქართველოში საპარლამენტო არჩევნებმა მშვიდ ვითარებაში ჩაიარა. მაღალი აქტივობა - დაახლოებით 58% - სამოქალაქო ჩართულობის კიდევ ერთი მაჩვენებელია.

ხმების თითქმის 53%, რაც მმართველმა „ქართულმა ოცნებამ“ მიიღო, ისევე როგორც ოთხი ოპოზიციური პარტიის პარლამენტში შესვლა, ქვეყნის შიდა პოლიტიკაში აქტიურ პერიოდს გვპირდება. ვიმედოვნებთ, რომ ეს იქნება პროგნოზირები და ცივილიზებული. ამით დაინტერესებულია არა მარტო საქართველო, არამედ მთელი კავკასიის რეგიონი“, - განაცხადა კარასინმა წინასწარი შედეგების გამოცხადებიდან მალევე.

საქართველოს ცენტრალური საარჩევნო კომისიის მიერ გამოქვეყნებული წინასწარი შედეგების მიხედვით, ამომრჩეველთა ხმები შემდეგნაირად გადანაწილდა:

„ქართული ოცნება“ – 54.08%

„კოალიცია ცვლილებისთვის“ – 10.92%

„ერთიანობა - ნაციონალური მოძრაობა“ – 10.12%

„ძლიერი საქართველო“ – 8.78%

„გახარია საქართველოსთვის“ – 7.76%

ოპოზიციური პარტიები არჩევნების შედეგებს არ აღიარებენ და აცხადებენ, რომ ის ამომრჩევლის ნებას არ ასახავს.