26 ოქტომბრის საპარლამენტო არჩევნებთან დაკავშირებით, ოკუპირებული ცხინვალის რეგიონის დე ფაქტო ხელისუფლება ე.წ. საზღვარს დაკეტავს. საუბარია „რაზდახანის“ (ოძისი) და „პერეუს“ (პერევი) ე.წ. გადასასვლელებზე, რომლებიც, როგორც წესი, ყოველი თვის 20-დან 30 რიცხვამდე პერიოდში, დილიდან საღამომდე მუშაობს.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 5 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 6 „სამედიცინო დახმარება თუ გინდა, სხვა ქვეყნებიც არის“ - კობახიძე უვიზოს შესაძლო შეჩერებაზე
„სამხრეთ ოსეთის მოსახლეობის უსაფრთხოების უზრუნველსაყოფად და საქართველოს პროდასავლური და ნაციონალისტური რადიკალური ძალების მხრიდან შესაძლო პროვოკაციების გამორიცხვის მიზნით, მიღებულ იქნა გადაწყვეტილება ოქტომბერში შეჩერდეს სახელმწიფო საზღვრის გამშვები პუნქტების „რაზდახანის“ და „პერეუს“ მუშაობა გამარტივებული წესით“, - ეს გადაწყვეტილება დღეს ე.წ. რესპუბლიკის უშიშროების საბჭოს სხდომაზე მიიღეს.
სხდომის თავმჯდომარემ, დე ფაქტო პრეზიდენტმა ალან გაგლოევმა თქვა, რომ საპარლამენტო არჩევნების წინ საქართველოში სიტუაცია უარესდება და რთულდება. მისი განცხადებით, დასავლეთის ქვეყნების დაზვერვის სამსახურები, ისევე როგორც ამ ქვეყნების საელჩოები, ღიად ახორციელებენ სიტუაციის დესტაბილიზაციის მცდელობებს.
„იმის გათვალისწინებით, რომ ყოველი თვის 20-დან 30 რიცხვამდე პერიოდულად ვხსნით სახელმწიფო საზღვარს ჰუმანიტარული მიზნით და ჩვენი მოქალაქეები გადიან საქართველოს ტერიტორიაზე, აუცილებელია ზომების მიღება მათი და რესპუბლიკის უსაფრთხოების უზრუნველსაყოფად“, - აღნიშნა გაგლოევმა.
გადაწყვეტილების აღსრულებაზე კონტროლი ე.წ. სამხრეთ ოსეთის უშიშროების საბჭოს მდივანს, ანატოლი პლიევს დაევალა.
