შპს „საქართველოს ფოსტის“ გენერალურ დირექტორად გიორგი ერაძე დაინიშნა. მან შეცვალა ლევან ჩიკვაიძე, რომელიც გენდირექტორის თანამდებობას 2012 წლიდან იკავებდა.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 5 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
- 6 აფხაზი ბლოგერი დაურ ბუავა თბილისში გარდაცვლილი იპოვეს
„ქართული ოცნების“ ეკონომიკის სამინისტროს ინფორმაციით, გიორგი ერაძეს საფოსტო და სატრანსპორტო-საექსპედიტორო მომსახურების სფეროში მენეჯერულ პოზიციებზე მუშაობის დიდი ხნის გამოცდილება გააჩნია.
სამინისტროს თანახმად, ერაძეს აქვს აკადემიურ ხარისხი საერთაშორისო სამართალში, ფლობს საერთაშორისო სერტიფიკატებს სატვირთო გადაზიდვებში უსაფრთხოების მართვის სისტემის, საინფორმაციო და საავიაციო უსაფრთხოებისა და სტუმარმასპინძლობისა და ტურიზმის მენეჯმენტის მიმართულებით.
„სააქციო საზოგადოება „საქართველოს ფოსტა“ სახელმწიფო კომპანია და ქვეყნის უმსხვილესი საფოსტო ორგანიზაციაა, რომელსაც სერვისცენტრების ყველაზე დიდი ქსელი აქვს. საქართველოს მასშტაბით კომპანიის 80 სერვისცენტრი ფუნქციონირებს. „საქართველოს ფოსტა“ ქვეყნის ლიდერი საფოსტო ოპერატორია, რომელიც მომხმარებელს უნივერსალური საფოსტო მომსახურების სფეროში შემავალი სერვისებით უზრუნველყოფს“, – აღნიშნულია ეკონომიკის სამინისტროს განცხადებაში.
ლევან ჩიკვაიძე „საქართველოს ფოსტის გენერალურ დირექტორად 2012 წლის ნოემბერში დაინიშნა. 2024 წლის განმავლობაში მისმა ხელფასმა ჯამში 100 635 ლარი შეადგინა.
