ბელარუსის პრეზიდენტმა, ალექსანდრ ლუკაშენკომ კოლექტიური უსაფრთხოების ხელშეკრულების ორგანიზაციის წევრი ქვეყნების საგარეო საქმეთა მინისტრებთან შეხვედრაზე განაცხადა, რომ ახლა რაიმე გაერთიანებიდან გასვლის დრო არ არის, როგორც ეს თავის დროზე უკრაინამ და საქართველომ გააკეთეს, როდესაც დამოუკიდებელ სახელმწიფოთა თანამეგობრობა დატოვეს.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 3 აქციის მონაწილეებმა რუსთაველის გამზირზე, 9 აპრილის მემორიალთან ღამე გაათენეს
- 4 უნდა შევძლოთ გადარჩენა და ევროპული მომავლისთვის მუშაობა - ამაღლობელი ციხიდან
- 5 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
- 6 პრორუსული „ალტ-ინფო“ აცხადებს, რომ თვითმმართველობის არჩევნებში მონაწილეობას მიიღებს
„მსოფლიოში არსებული ვითარება ეჭვს არ ტოვებს, რომ ჩვენ ერთად უნდა ვიყოთ. საქართველოს მაგალითი - თქვენ ხედავთ მათ პოლიტიკაში გარკვეულ ცვლილებას: მათ მობეზრდათ დასავლეთის დაპირებები და ისევ ჩვენს ბაზარზე დაბრუნებას სურთ, რადგან არავინ შეგიშვებთ თავიანთ ბაზრებზე არც რძით, არც ხორცით და არც ღვინით. ბაზრები დიდი ხანია გაყოფილია და მათთვის სასტიკი ბრძოლა მიდის. ეს არის მეორე მიზეზი, რატომაც ერთად უნდა დავრჩეთ. ეს არის ჩვენი ათვისებული ბაზარი“, - განაცხადა ლუკაშენკომ.
ბელარუსის პრეზიდენტის თქმით, თუ დასავლეთში ქვეყნებს რაიმეს სთავაზობენ, ამას მხოლოდ რესურსების ან დასავლეთისთვის მომგებიანი პოლიტიკის გატარების სანაცვლოდ აკეთებენ.
ლუკაშენკოსთან შეხვედრას რუსეთის, სომხეთის, ტაჯიკეთის, ყაზახეთის, ყირგიზეთის და ბელარუსის საგარეო საქმეთა მინისტრები ესწრებოდნენ.
ამ თემაზე:
საქართველო რუსეთისთვის ღვინის მიმწოდებელი პირველი ქვეყანა გახდა
