ტელეკომპანია „რუსთავი 2“-ს ახალი დირექტორი ჰყავს. „რუსთავი 2“-ის მიერ გავრცელებული ინფორმაციის მიხედვით, სს „მედია ჰოლდინგის“ ხელმძღვანელად რეჟისორი ბაკურ ბაკურაძე დაინიშნა.
ახალი ამბები
მკითხველის რჩეული
- 1 სასამართლომ „ლუკოილ ჯორჯიას“ მითვისებული საწვავის დაბრუნება დაავალა
- 2 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 3 პაპუაშვილი: ამ ომს ნამდვილად ჰყავს ორი დამარცხებული - უკრაინა და ევროკავშირი
- 4 სუს-ის ყოფილი უფროსის ნათესავი ბიჭიკო პაიკიძე ესპანეთში დააკავეს
- 5 ევროკომისია: საქართველომ შეიძლება სრულად დაკარგოს ევროკავშირთან უვიზო რეჟიმი
- 6 სამხრეთ კორეაში საქართველოს ელჩი გაათავისუფლეს – პაპასქუა საგარეო უწყებას ტოვებს
სს „მედია ჰოლდინგი“ სამაუწყებლო კომპანია „რუსთავი 2“-ს და შპს „პრაიმ თაიმს“ ფლობს. ტელეკომპანიის ცნობით, ბაკურაძე თანამშრომლებს ყოფილმა დირექტორმა, ვაკო ავალიანმა წარუდგინა, რომელიც საქმიანობას დიპლომატიურ სამსახურში გააგრძელებს.
მას შემდეგ, რაც 2019 წლის ივლისში, „რუსთავი 2“ ბიზნესმენ ქიბარ ხალვაშს გადაეცა, ტელეკომპანიის გენერალური დირექტორის თანამდებობას პაატა სალია იკავებდა. 2024 წლის საპარლამენტო არჩევნებისთვის „ქართულმა ოცნებამ“ სალია პარტიულ სიაში შეიყვანა. ამჟამად ის „ქართული ოცნების“ მთავრობის წევრი და იუსტიციის მინისტრია.
ბაკურ ბაკურაძე წლების განმავლობაში „ქართული ოცნების“ საარჩევნო და სხვა პარტიული ღონისძიებების რეჟისორი იყო. ის ღიად გამოხატავს პარტიის პოლიტიკის მიმართ მხარდაჭერას როგორც სოციალურ ქსელებში, ისე სამთავრობო პროპაგანდისტული ტელეკომპანია „იმედის“ ეთერის მეშვეობით.
