სტატისტიკის ეროვნული სამსახურის მონაცემებით, იანვარში საქართველოდან რუსეთში 2 968.1 ტონა ღვინო გავიდა, რაც 15.9%-ით მეტია 2025 წლის ანალოგიურ პერიოდთან (2 561.4 ტონა) შედარებით.
ახალი ამბები
მკითხველის რჩეული
- 1 ზახაროვა: რუსეთის წყალობით საქართველო ეკონომიკის ზრდის რეკორდულ ტემპს აჩვენებს
- 2 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 3 ლავროვი: „3+3“ ფორმატში საქართველოსთვის კარი ღიაა
- 4 „ოცნება“ გრანტების კანონს კიდევ ამკაცრებს და 6 წლამდე პატიმრობა შემოაქვს
- 5 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 6 კალაძე შენობების ფასადების „ვანდალურად მოხატვისთვის“ კანონის გამკაცრებას ითხოვს
რუსეთში ექსპორტირებული ღვინის ღირებულებამ 8 მილიონი აშშ დოლარი შეადგინა. 2025 წლის იანვარში ეს მაჩვენებელი 6.9 მილიონი დოლარი იყო.
გასულ წელთან შედარებით, ნატურალური ღვინის ექსპორტი 6.2%-ით შემცირდა. იანვარში საქართველოდან საერთაშორისო ბაზრებზე თითქმის 12.2 მილიონი დოლარის ღირებულების ღვინო გავიდა, რაც ამ პერიოდის მთლიანი ექსპორტის 2.5% იყო.
ექსპორტირებული ღვინის მოცულობა 65%-ით არის შემცირებული ჩინეთის მიმართულებით. საქსტატის თანახმად, 2026 წლის იანვარში საქართველომ ჩინეთში 433.8 ათასი აშშ დოლარის ღირებულების 135.8 ტონა ღვინო გაიტანა. ეს მაშინ, როდესაც წინა წლის ანალოგიურ პერიოდში ამ ქვეყანაში 1 059.2 ათასი აშშ დოლარის 388.0 ტონა ღვინო იყო ექსპორტირებული.
