რუსეთის საგარეო საქმეთა სამინისტრომ ოკუპირებულ აფხაზეთში უსაფრთხოებასთან დაკავშირებული რისკების შესახებ საკუთარი მოქალაქეები გააფრთხილა.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
სამინისტროს განცხადებით, „აფხაზეთის მოქალაქე“ ე.გ. აბუხბა, რომელმაც 2019 წელს მძიმე დანაშაული ჩაიდინა რუსი ტურისტი ქალის მიმართ, 2 თებერვალს ციხიდან გაათავისუფლეს. აბუხბას სასჯელი ე.წ. უზენაესმა სასამართლომ შეუმსუბუქა, რის გამოც რუსეთის ხელისუფლება გაკვირვებას გამოთქვამს.
„ჩვენი შეფასებით, ეს გახმაურებული საქმე მიუთითებს აფხაზური მართლმსაჯულების ძალიან ლმობიერ დამოკიდებულებაზე რესპუბლიკის ტერიტორიაზე ჩადენილი დანაშაულებისა და დამნაშავეებისთვის დაკისრებული სასჯელების მიმართ. ცხადია, ეს რისკებს უქმნის აფხაზეთის კურორტებზე ყოველწლიურად ჩასული დიდი რაოდენობით უცხოელი სტუმრების უსაფრთხოებას, რის შესახებაც იძულებულნი ვართ გავაფრთხილოთ ჩვენი თანამემამულეები“, - ნათქვამია რუსეთის საგარეო საქმეთა სამინისტროს განცხადებაში.
2021 წლის თებერვალში სოხუმის საქალაქო სასამართლომ ედგარ აბუხბას 9 წლით თავისუფლების აღკვეთა მიუსაჯა. საქმის მასალების მიხედვით, 2019 წლის ივლისში, აბუხბამ რუსეთის მოქალაქე, 1999 წელს დაბადებული ქალი სოხუმში, დამწვარი სამთავრობო შენობის კომპლექსში მიიყვანა, სადაც სცემა, გააუპატიურა, რის შემდეგაც ქვით დაზიანებები მიაყენა. მან ქალის კუთვნილი ორი ტელეფონი, ძვირფასეულობა წაიღო და მიიმალა. აბუხბა დამნაშავედ იქნა ცნობილი გაუპატიურებაში, გარყვნილ ქმედებაში, ძარცვასა და ქალისთვის სხეულის მძიმე დაზიანების მიყენებაში. დანაშაულის ჩადენის დროს ედგარ აბუხბა 17 წლის იყო.
