ე.წ. დონეცკის სახალხო რესპუბლიკის უზენაესმა სასამართლომ ალეკო ელისაშვილს ექვსი წლით თავისუფლების აღკვეთა დაუსწრებლად მიუსაჯა.
ახალი ამბები
მკითხველის რჩეული
- 1 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 2 კადიროვმა თავისი 20 წლის ვაჟი, ახმატი, ჩეჩნეთის ვიცე-პრემიერად დანიშნა
- 3 ოთარ ფარცხალაძე ბიზნესმენ ლევან ჯანგველაძის მკვლელობის ორგანიზებაშია ბრალდებული
- 4 ტრამპის გადაწყვეტილებით, აშშ 66 საერთაშორისო ორგანიზაციას ტოვებს
- 5 ირაკლი ღარიბაშვილი მხნედაა, საზოგადოებისთვის გზავნილი არ დაუბარებია – ადვოკატი
- 6 ცხინვალში განაცხადეს, რომ ვენესუელის გადაწყვეტილების კანონიერება თბილისის შესაფასებელი არ არის
ქართველი ოპოზიციონერი პოლიტიკოსი დამნაშავედ ცნეს რუსეთის ფედერაციის სისხლის სამართლის კოდექსის 359-ე მუხლის მე-3 ნაწილით, რაც შეიარაღებულ კონფლიქტში დაქირავებული მეომრის მონაწილეობას გულისხმობს.
რუსეთის საგამოძიებო კომიტეტის ინფორმაციით, სასამართლომ დაადგინა, რომ 2022 წლის მარტში ელისაშვილი შეუერთდა უკრაინაში მოქმედ შეიარაღებულ ფორმირებას, გაიარა სამხედრო მომზადების კურსი და მიიღო პირადი ცეცხლსასროლი იარაღი.
„ფულადი კომპენსაციის სანაცვლოდ, ელისაშვილი ასრულებდა უმაღლესი სარდლობის ბრძანებებს და მონაწილეობდა რუსეთის ფედერაციის შეიარაღებული ძალების სამხედრო მოსამსახურეების წინააღმდეგ სამხედრო ოპერაციებში. სასამართლომ ელისაშვილს დაუსწრებლად მიუსაჯა ექვსი წლით თავისუფლების აღკვეთა მკაცრი რეჟიმის კოლონიაში“, - ნათქვამია საგამოძიებო კომიტეტის განცხადებაში.
კომიტეტი აღნიშნავს, რომ ალეკო ელისაშვილზე საერთაშორისო ძებნაა გამოცხადებული.
