რიკოთის უღელტეხილზე, სურამი-ჩუმათელეთის მონაკვეთზე, მუშა დაიღუპა. დაშავებულია კიდევ ერთი ადამიანი, რომელიც საავადმყოფოში გადაიყვანეს. დაღუპული ჩინეთის მოქალაქეა, ხოლო დაშავებული - საქართველოს.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
შემთხვევა, რომელსაც ადამიანი ემსხვერპლა, საამქროს ტერიტორიაზე მოხდა. არსებული ინფორმაციით, იქ მაგისტრალის მშენებლობისთვის საჭირო კონსტრუქციებს ამზადებენ.
შინაგან საქმეთა სამინისტროში აცხადებენ, რომ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
რიკოთის უღელტეხილზე აღმოსავლეთ-დასავლეთის ჩქაროსნული მაგისტრალი შენდება. სამშენებლო სამუშაოებს ჩინური კომპანიები ახორციელებენ. საავტომობილო გზების დეპარტამენტის ინფორმაციით, ამ დროისთვის, პროექტით გათვალისწინებული სამუშაოების 86% შესრულებულია. კერძოდ, 51 გვირაბიდან 45 უკვე გაჭრილია, 97 ხიდიდან კი აშენებულია 81.
როგორც რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა, „წელს ორი უმთავრესი მონაკვეთი - ხევიდან ზესტაფონამდე გაიხსნება და მომდევნო წელს, უკვე სრულად 52-კილომეტრიანი მონაკვეთი ეტაპობრივად შევა ექსპლუატაციაში“.
