რიკოთის საუღელტეხილო გზის ხევი-უბისას მონაკვეთზე ერთ-ერთი ხიდის მშენებლობაზე დასაქმებული მუშა დაიღუპა. მაშველებმა მისი ცხედარი მდინარეში დღეს იპოვეს.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 6 საქართველოს კათოლიკოს-პატრიარქი ილია II გარდაიცვალა
გარდაცვლილი 50 წლის რამაზ ბარბაქაძეა, რომელიც ხარაგაულის მუნიციპალიტეტის სოფელ ბორითიდან იყო. ადგილობრივების ინფორმაციით, ის უბისასთან მშენებარე ხიდიდან გუშინ გადმოვარდა, შემდეგ კი მდინარის დინებამ გაიტაცა. ცხედარი შემთხვევის ადგილიდან დაახლოებით 5-6 კილომეტრში დღეს იპოვეს.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც გულისხმობს სამშენებლო სამუშაოების წარმოებისას უსაფრთხოების წესის დარღვევას, რამაც ადამიანის სიცოცხლის მოსპობა ან სხვა მძიმე შედეგი გამოიწვია.
ხევი-უბისას 12.2 კილომეტრიან მონაკვეთზე არაერთი ხიდი და გადასასვლელი შენდება. სამშენებლო სამუშაოებს საავტომობილო გზების დეპარტამენტის მიერ გამოცხადებულ ტენდერში გამარჯვებული ჩინური კომპანია შპს „ჰუნანის გზებისა და ხიდების სამშენებლო ჯგუფი“ (Hunan Road and Bridge Construction Group) ასრულებს.
