რუსულმა კომპანია „რუსნეფტმა“ საქართველოში ახლად აშენებულ ყულევის ნავთობგადამამუშავებელ ქარხანას ნედლი ნავთობის პირველი ტვირთი მიაწოდა. ამის შესახებ გავლენიანი გამოცემა Reuters-ი გემების გადაადგილების მონაცემებსა და ინდუსტრიის წყაროებზე დაყრდნობით წერს.
ახალი ამბები
მკითხველის რჩეული
- 1 აზიის განვითარების ბანკმა არ დააკმაყოფილა საჩივარი ხარაგაულის დამეწყრილი სოფლებიდან
- 2 კადიროვმა თქვა, რა უშლის ხელს ითუმ-კალი – შატილის გზის მშენებლობას
- 3 „უკრაინა რთული არჩევანის წინაშეა“ - ზელენსკიმ ტრამპის გეგმას ერისადმი მიმართვაში უპასუხა
- 4 BBC-ის გამოძიება: თბილისში აქციების დასარბევად I მსოფლიო ომის დროინდელ ქიმიურ იარაღს იყენებდნენ
- 5 სასამართლომ „ლუკოილ ჯორჯიას“ მითვისებული საწვავის დაბრუნება დაავალა
- 6 ფედერიკა მოგერინი ბრალის წარდგენის შემდეგ გაათავისუფლეს
Reuters-ი წერს, რომ ტანკერმა „კაისერიმ“ 105 340 ტონა ციმბირის მსუბუქი კლასის ნავთობი რუსეთის ნოვოროსიისკის პორტიდან ყულევის ნავთობტერმინალში 6 ოქტომბერს მიიტანა. „რუსნეფტმა“ გამოცემის კითხვებს არ უპასუხა.
ყულევის ნავთობგადამმუშავებელი ქარხნის ოპერირება ამ თვეში დაიწყო. მისი საწყისი გადამუშავების სიმძლავრე წელიწადში დაახლოებით 1.2 მილიონი ტონა ნედლი ნავთობია, ანუ დღეში დაახლოებით 24 000 ბარელი.
Reuters-ი წერს, რომ პირველი ნავთობგადამამუშავებელი ქარხნის აშენებით, საქართველო ცდილობს შეამციროს დამოკიდებულება რუსეთიდან, თურქეთიდან, აზერბაიჯანიდან, რუმინეთიდან და ყაზახეთიდან საწვავის იმპორტზე. ამასთან, რუსეთი ექსპორტის დივერსიფიკაციისკენ ისწრაფვის და იმავე დროს უკრაინაში ომის გამო დასავლეთის მიერ დაწესებული სანქციებით შექმნილ გამოწვევებს ებრძვის.
გამოცემა ასევე აღნიშნავს, რომ „ქართული ოცნების“ მმართველობის პერიოდში საქართველომ რუსეთთან ეკონომიკური კავშირები გააღრმავა, დასავლეთის ქვეყნებთან ურთიერთობების მკვეთრად გაუარესების პარალელურად.
საქართველოს ფინანსთა სამინისტროს შემოსავლების სამსახურის მიერ გავრცელებული განცხადების მიხედვით „დადასტურებულია, რომ გემსა და გემის მფლობელ კომპანიაზე, ასევე ტვირთის გამომგზავნ და მიმღებ კომპანიებზე არ ვრცელდება საერთაშორისო სანქციები“.
„აღნიშნულიდან გამომდინარე, შემდგომი საბაჟო კონტროლის პროცედურების განხორციელების მიზნით ტვირთი ჩამოიცალა დროებითი შენახვის საბაჟო საწყობში“, - აცხადებს უწყება.
ხობის მუნიციპალიტეტში, ყულევის ნავთობგადამამუშავებელ ქარხანას შპს „ბლექ სი პეტროლიუმი“ აშენებს. კომპანიის დამფუძნებელი ბიზნესმენი მაკა ასათიანია, პროექტის საინვესტიციო მოცულობა კი 700 მილიონ აშშ დოლარს შეადგენს.
ერთი წლის წინ, 2024 წლის ოქტომბერში გამართულ პრეზენტაციაზე „ქართული ოცნების“ პრემიერ-მინისტრმა, ირაკლი კობახიძემ განაცხადა, რომ ეს არის ყველაზე მსხვილი კერძო საინვესტიციო პროექტი დამოუკიდებელი საქართველოს ისტორიაში. 2025 წლის სექტემბერში „ბლექ სი პეტროლიუმის“ სამეთვალყურეო საბჭოს თავმჯდომარედ ეკონომიკის ყოფილი მინისტრი ლევან დავითაშვილი დაინიშნა.
