ავიაკომპანია Red Wings-ი ბათუმის მიმართულებით სამ ახალ რეისს ამატებს. რუსული მედიის ინფორმაციით, სოჭიდან ფრენები ივნისში დაიწყება, ყაზანიდან ივლისში, ხოლო უფიდან - აგვისტოში.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
Red Wings-ი სოჭის საერთაშორისო აეროპორტიდან ბათუმისკენ 22 ივნისიდან იფრენს. რეისები კვირაში ორჯერ, ოთხშაბათს და შაბათს, Sukhoi Superjet 100-ის თვითმფრინავით შესრულდება.
„რუსეთსა და საქართველოს შორის საჰაერო მიმოსვლის აღდგენის შემდეგ აშკარა გახდა, რომ რუს ტურისტებს შორის ქართული კურორტები კვლავ პოპულარულია.
ოპერატორი კომპანია TAV Georgia-ის სტატისტიკის მიხედვით, 2024 წლის იანვარ-აპრილში ბათუმის აეროპორტში მგზავრთა მოძრაობა გასული წლის ანალოგიურ პერიოდთან შედარებით 34%-ით გაიზარდა. დარწმუნებულები ვართ, რომ ბათუმის მიმართულებით ჩვენს ახალ რეისებზე მაღალი სეზონური მოთხოვნა იქნება“, - განცხადა Red Wings-ის გენერალური დირექტორის მოადგილემ, ალექსანდრ კრუტოვმა.
ბაშკირეთის დედაქალაქ უფიდან პირდაპირი ფრენები 4 ივლისიდან დაიწყება. როგორც უფის საერთაშორისო აეროპორტში თქვეს, რეისები ხუთშაბათობით, 10:20 საათზე შესრულდება და ბათუმამდე მგზავრობის დრო დაახლოებით სამსაათნახევარი იქნება. ამავე აეროპორტიდან თბილისში ავიაკომპანია „აზიმუტი“ ყოველ პარაკევს დაფრინავს.
რაც შეეხება ყაზანს, Red Wings-ის თვითმფრინავები თათრეთის დედაქალაქსა და ბათუმს შორის 7 ივლისიდან 13 ოქტომბრის ჩათვლით, კვირაში ერთხელ - კვირა დღეს იფრენენ. მგზავრობის დრო დაახლოებით 3 საათი 20 წუთი იქნება.
რუსეთსა და საქართველოს შორის პირდაპირი ფრენები 2023 წლის 19 მაისს რუსეთის პრეზიდენტის, ვლადიმერ პუტინის გადაწყვეტილებით განახლდა. ერთი წლის თავზე, რეისებს ახორციელებს სამი ავიაკომპანია: ქართული Georgian Airways, რუსული - Red Wings და Azimuth.
როგორც საქართველოს ეკონომიკის სამინისტროში განაცხადეს, მიმდინარე წლის ზაფხულის სანავიგაციო სეზონზე საქართველოდან სულ 13 600 რეისია დაგეგმილი. აქედან 2480 რეისი (18%) ევროპის მიმართულებით შესრულდება, ხოლო 1761 (13%) - რუსეთის.
