სახელმწიფო უსაფრთხოების სამსახურის ინფორმაციით, კონტრდაზვერვის დეპარტამენტის თანამშრომლებმა რადიაქტიური ნივთიერების უკანონო რეალიზაციის მცდელობის ბრალდებით ერთი პირი დააკავეს.
ახალი ამბები
ბრალდებული ფოთში ურანის გაყიდვას 2 000 000 აშშ დოლარის სანაცვლოდ გეგმავდა.
„რადიოლოგიური ექსპერტიზის დასკვნის თანახმად, ექსპერტიზაზე წარმოდგენილი მასა, რომელიც ჩხრეკის დროს იქნა ამოღებული, შეიცავს რადიაქტიურ ნივთიერება ურანს და მიეკუთვნება ბირთვულ მასალათა კატეგორიას“, - ნათქვამია სახელმწიფო უსაფრთხოების სამსახურის განცხადებაში.
საქმეზე გამოძიება სისხლის სამართლის კოდექსის 230-ე მუხლის პირველი ნაწილით მიმდინარეობს, რაც რადიაქტიური ნივთიერების უკანონო მოპყრობას გულისხმობს. დანაშაული 5-დან 10 წლამდე ვადით თავისუფლების აღკვეთას ითვალისწინებს. გამოძიებას სუს-ის კონტრდაზვერვის დეპარტამენტი აწარმოებს.
