ფოთში აქტივისტს, სოციალური კაფე „ლიმენას“ დამფუძნებელს, ელისო ჯანაშიას ფიზიკური შეურაცხყოფა მიაყენეს. ჯანაშია მომხდარს მის ბოლოდროინდელ აქტივობას და აქციებში მონაწილეობას უკავშირებს.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
„როგორც ჩანს, არ გვაპატიეს - ჩვენი პროტესტის ფონზე მოუწიათ ნაძვის ხის ანთება და მეორე დღეს ეს „ტიტუშკა“ ქალები მოგვიგზავნეს“, - ამბობს აქტივისტი.
შემთხვევა 23 დეკემბრის საღამოს, „ლიმენას“ შესასვლელში მოხდა. ელისო ჯანაშია დარწმუნებულია, რომ ქალი, რომელიც მიუვარდა და მასზე იძალადა, „ქართული ოცნების“ მიერ იყო დაქირავებული.
„ახლა უკეთ ვარ. მხოლოდ იმ ანაგლეჯი თმის ადგილი მტკივა, მაგრამ მაგაზე მეტად შეურაცხყოფა, ბრაზი და უსუსურობა ერთად მტკივა. საერთოდ როგორ აღმოვჩნდით ამ მდგომარეობაში, არ ვიცი. ეს ქალი, ამ საღამოს, მზად იყო დავეხვრიტეთ, როგორც ევროპის მომხრეები და რუსეთის მოწინააღმდეგეები. უბრალოდ, იარაღი არ ჰქონდა, მაგრამ ჰქონდა სრული დაუსჯელობის შეგრძნება. ასეთად აქცია ხელისუფლების პროპაგანდამ ადამიანები“, - წერს ჯანაშია სოციალურ ქსელ Facebook-ში.
ელისო ჯანაშიას თქმით, მასზე თავდასხმის მიზანია, ფოთის დატოვება და საქმიანობის შეწყვეტა აიძულონ.
მომხდარის შემდეგ ჯანაშიამ პოლიციას მიმართა.
