სომხეთის პრემიერ-მინისტრი ნიკოლ ფაშინიანი აზერბაიჯანის პრეზიდენტს, ილჰამ ალიევს სთავაზობს, დაიწყოს კონსულტაციები სომხეთსა და აზერბაიჯანს შორის სამშვიდობო შეთანხმების ხელმოწერაზე.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 6 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
სომხეთის პრემიერმა ამის შესახებ განცხადება სოციალურ ქსელ Facebook-ში გამოაქვეყნა.
„სომხეთსა და აზერბაიჯანს შორის სამშვიდობო შეთანხმების პროექტი შეთანხმებულია და ხელმოწერას ელოდება. მე ვთავაზობ აზერბაიჯანის პრეზიდენტს, ილჰამ ალიევს, დავიწყოთ ერთობლივი კონსულტაციები შეთანხმებული სამშვიდობო შეთანხმების ხელმოწერის შესახებ“, – წერს ფაშინიანი.
13 მარტს ცნობილი გახდა, რომ სომხეთისა და აზერბაიჯანის წარმომადგენლებმა მოლაპარაკებები დაასრულეს და სამშვიდობო შეთანხმების ტექსტზე შეთანხმებას მიაღწიეს.
აზერბაიჯანის საგარეო საქმეთა სამინისტრომ დოკუმენტზე ხელმოწერისთვის მთავარ პირობად დაასახელა სომხეთის კონსტიტუციაში ცვლილებების შეტანა „აზერბაიჯანის სუვერენიტეტისა და ტერიტორიული მთლიანობის მიმართ პრეტენზიების აღმოფხვრის მიზნით“.
თავის მხრივ, სომხეთის საგარეო საქმეთა სამინისტროში განაცხადეს, რომ „სამშვიდობო შეთანხმება მზად არის ხელმოწერისთვის“.
ბოლო დღეების განმავლობაში აზერბაიჯანი სომხეთს საზღვარზე, მათი პოზიციებისთვის ცეცხლის გახსნაში ადანაშაულებს. სომხეთი ყველა ბრალდებას უარყოფს.
