ევროპის საბჭოს საპარლამენტო ასამბლეის (PACE) პრეზიდენტი თეოდოროს რუსოპულოსი აცხადებს, რომ ასამბლეის დატოვების შესახებ საქართველოს დელეგაციის გადაწყვეტილება საფრთხეს უქმნის დიალოგს, რომელსაც საქართველოში დემოკრატიული სტანდარტების გაუმჯობესება შეუძლია.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
„ვწუხვარ საქართველოს დელეგაციის გადაწყვეტილების გამო, გავიდეს ევროპის საბჭოს საპარლამენტო ასამბლეიდან მას შემდეგ, რაც ასამბლეამ ხმა მისცა დელეგაციის უფლებამოსილების რატიფიცირებას გარკვეული პირობებით. ეს საფრთხეს უქმნის დიალოგს, რომელიც ხელს შეუწყობს საქართველოში დემოკრატიული სტანდარტების წინსვლას“, - განაცხადა თეოდოროს რუსოპულოსმა.
29 იანვარს, ასამბლეამ ქართული დელეგაციის წევრების მანდატები ცნო, თუმცა მათი რიგი უფლებები შეზღუდა. ეს მოიცავს PACE-ს 9 კომიტეტიდან 5-ში გაწევრიანებისა და არჩევნებზე დაკვირვების უფლების ჩამორთმევასაც.
ლატვიელი დეპუტატის, ზანდა კალნინა-ლუკაშევიცას მოხსენებაზე დაფუძნებულ რეზოლუციაში, ასამბლეამ განაცხადა, რომ ქართული დელეგაციის უფლებამოსილების საკითხს გადახედავს აპრილის სესიაზე, რიგ საკითხებთან დაკავშირებით მიღწეული პროგრესის გათვალისწინებით. ამ საკითხებს შორისაა:
- „ახალი ჭეშმარიტად დემოკრატიული საპარლამენტო არჩევნების“ ორგანიზება, რომელიც ჩატარდება მკაცრი საერთაშორისო მონიტორინგის, სახელმწიფო ინსტიტუტებისა და საარჩევნო ადმინისტრაციის პოლიტიკური დამოუკიდებლობის პირობებში;
- დაუყოვნებელი და ქმედითი ნაბიჯების გადადგმა, რათა „საქართველომ შეძლოს განაახლოს ევროინტეგრაციის პროცესი“;
- დაუყონებლივ შეწყდეს პოლიციის სისასტიკე და ადამიანის უფლებების დარღვევა;
- ყველა პოლიტპატიმრის გათავისუფლება ასამბლეის აპრილის სესიამდე.
ქართული დელეგაციისთვის, რომელსაც „ქართული ოცნების“ პარლამენტის ვიცე-სპიკერი თეა წულუკიანი ხელმძღვანელობდა, PACE-ს დათქმები მიუღებელი აღმოჩნდა და პროტეტის ნიშნად, ასამბლეის საქმიანობაში მონაწილეობა შეწყვიტა.
