ცხინვალის საოკუპაციო რეჟიმმა 8 სექტემბერს, გორის მუნიციპალიტეტის სოფელ ზემო ხვითის მიმდებარედ დაკავებული ჰამლეტ მარგველაშვილი გაათავისუფლა. ამის შესახებ ინფორმაციას ე.წ. სამხრეთ ოსეთის სახელმწიფო უსაფრთხოების კომიტეტი და საქართველოს სახელმწიფო უსაფრთხოების სამსახური ავრცელებენ.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 5 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
- 6 აფხაზი ბლოგერი დაურ ბუავა თბილისში გარდაცვლილი იპოვეს
1976 წელს დაბადებული ჰამლეტ მარგველაშვილი „სახელმწიფო საზღვრის უკანონოდ გადაკვეთისთვის“ იყო დაკავებული.
დე ფაქტო ხელისუფლების ცნობით, საქართველოს მოქალაქემ საოკუპაციო ხაზი სოფელ ნიქოზთან ტრაქტორით გადაკვეთა და ზნაურის რაიონის მიმართულებით გაემართა, დაკავების შემდეგ კი მილიციელებს განუცხადა, რომ სოფელ ისაკყაუში ნათესავების მონახულებას გეგმავდა. საქართველოს მოქალაქე „რესპუბლიკიდან“ ჯარიმის დაკისრების შემდეგ გააძევეს.
„ჰამლეტ მარგველაშვილი თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება. ვაგრძელებთ აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად“, – ნათქვამია საქართველოს სახელმწიფო უსაფრთხოების სამსახურის განცხადებაში.
10 სექტემბერს ცხინვალის საოკუპაციო რეჟიმმა საქართველოს კიდევ ერთი მოქალაქე, 19 მაისს უკანონოდ დაკავებული თენგიზ კორაშვილი გაათავისუფლა.
