სამხრეთ ოსეთის დე ფაქტო რესპუბლიკაში ე.წ. საპარლამენტო არჩევნები 9 ივნისს გაიმართება. თარიღი დღეს ოკუპირებული რეგიონის ე.წ. პრეზიდენტმა, ალან გაგლოევმა დაამტკიცა.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
საინფორმაციო სააგენტო „რეს“-ის ცნობით, წელს მერვე მოწვევის პარლამენტს აირჩევენ, რომლის უფლებამოსილების ვადა 5 წელია იქნება. არჩევნები პროპორციულ-მაჟორიტარული საარჩევნო სისტემით ჩატარდება.
ოკუპირებულ ცხინვალში წინა საპარლამენტო არჩევნები 2019 წელს გაიმართა. შედეგად ე.წ. მმართველმა პარტიამ, „ერთიანმა ოსეთმა“ 34 მანდატიდან 14 მიიღო, „სამხრეთ ოსეთის რესპუბლიკის კომუნისტურმა პარტიამ“ - ერთი მანდატი მოიპოვა, პარტიამ „ხალხის ერთობა“ - 3, პარტიამ „ნიხას“ - 4, „სახალხო პარტიამ“ კი - 5 მანდატი. გარდა ამისა, პარლამენტში 7 დამოუკიდებელი დეპუტატი შევიდა.
საქართველოს ცენტრალური ხელისუფლება და საერთაშორისო საზოგადოება ოკუპირებულ ცხინვალში ჩატარებულ არჩევნებს არ ცნობს.
