ოკუპირებულ აფხაზეთში, გალის რაიონის სოფელ შაშიკვარაში საქართველოს მოქალაქე, შალვა ხიზანიშვილი დააკავეს. ე.წ. სახელმწიფო უსაფრთხოების სამსახურის განცხადებით, ის „საქართველოს სასარგებლოდ“ ჯაშუშობაშია ეჭვმიტანილი.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 5 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
- 6 აფხაზი ბლოგერი დაურ ბუავა თბილისში გარდაცვლილი იპოვეს
საოკუპაციო რეჟიმის მტკიცებით, საქართველოს მოქალაქის საცხოვრებლის შემოწმების დროს ამოიღეს სამი იარაღი საბრძოლო მასალით და სამხედრო ზურგჩანთა, რომელშიც საკვები პროდუქტები, პირადობის დამადასტურებელი ქართული დოკუმენტი, ნაღდი ფული და ქართული ბანკების პლასტიკური ბარათები იდო.
„ბაღის ნაკვეთზე, ძაღლის სადგომში ნაპოვნი იქნა ასაფეთქებელი მოწყობილობის შემცველი პაკეტი.
დაკითხვის დროს ხიზანიშვილმა დაადასტურა მისი კონტაქტები საქართველოს სპეცსამსახურებთან.
ის აფხაზეთში რუსეთის ფედერალური უშიშროების სამსახურის ერთ-ერთი სასაზღვრო პოსტის ვიდეოგადაღებას აწარმოებდა, რისთვისაც ფულადი ჯილდო მიიღო“, – განაცხადეს ე.წ. სახელმწიფო უსაფრთხოების სამსახურში.
შალვა ხიზანიშვილი 1-ელ ოქტომბერს დააკავეს და მის წინააღმდეგ „სისხლის სამართლის საქმე“ აღძრეს.
„ქართული ოცნების“ ხელისუფლება ოკუპირებულ რეგიონში საქართველოს მოქალაქის დაკავებას ამ დრომდე არ გამოხმაურებია.
