ოკუპირებულ აფხაზეთში, გაგრის რაიონში, რუსეთის საზღვრის სიახლოვეს მომხდარი სროლის შედეგად ერთი ადგილობრივი მცხოვრები დაიღუპა, სამი - დაშავდა. თავდამსხმელები მიიმალნენ.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
სროლა კვირას, 23 ივნისს, სასაზღვრო-გამშვები პუნქტი „ფსოუს“ ტერიტორიაზე მოხდა.
„1985 წელს დაბადებულმა მოქალაქემ სიცოცხლესთან შეუთავსებელი ჭრილობა მიიღო. 2007 წელს დაბადებული არასრულწლოვანი გოგონა სამედიცინო დაწესებულებაში მკლავის არეში ჭრილობით გადაიყვანეს. ჰოსპიტალიზირებულია ასევე ორი მამაკაცი: 1998 წელს დაბადებული - ფეხის ჭრილობით და 1995 წელს დაბადებული - მუცლის ღრუს შემავალი ჭრილობით“, - განაცხადეს დე ფაქტო შინაგან საქმეთა სამინისტროში.
არსებული ინფორმაციით, დანაშაულის ჩადენაში ეჭვმიტანილი პირების ვინაობა დადგენილია და მათ დასაკავებლად ღონისძიებები გრძელდება.
23 ივნისს უცნობმა პირებმა ცეცხლი გახსნეს დაღესტანშიც. ტერორისტული თავდასხმის სამიზნე გახდა მაჰაჩყალასა და დერბენტში მდებარე მართლმადიდებლური ეკლესიები, სინაგოგები და საგზაო პოლიციის პოსტი. ბოლო ინფორმაციით, თავდასხმის შედეგად სულ მცირე 15 ადამიანი დაიღუპა, რომელთა შორის ძალოვანი უწყებების თანამშრომლები და მშვიდობიანი მოქალაქეები არიან. დაღესტანში სამდღიანი გლოვა გამოცხადდა.
