რუსეთის მიერ ოკუპირებულ აფხაზეთში, გუდაუთის რაიონის ისტორიულ სოფელ ლიხნში დაზიანებული კავკასიური ცაცხვის მკურნალობა დაიწყეს. ხეში ჩინეთიდან ჩატანილი პრეპარატი 30 წვეთოვანის დახმარებით შეჰყავთ.
ახალი ამბები
მკითხველის რჩეული
- 1 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 2 ნატა ვიბლიანი პროკურატურამ დაზარალებულად ცნო
- 3 კობახიძე-მდინარაძის დროს მომხდარ თვითმკვლელობებზე კითხვები რჩება - ღარიბაშვილი
- 4 აფხაზი ბლოგერი დაურ ბუავა თბილისში გარდაცვლილი იპოვეს
- 5 სასკოლო ფორმების გაყიდვა 1-ელი სექტემბრიდან დაიწყება - მისამართები და დეტალები
- 6 მეორედ მიმანიშნეს ჩემი 75 წლის მამის დაჭერაზე - ღარიბაშვილის მორიგი წერილი ციხიდან
მკურნალობის პროცესზე ე.წ. ეკოლოგიის სახელმწიფო კომიტეტის თავმჯდომარემ, საველი ჭითანავამ ისაუბრა:
„როდესაც ცაცხვთან დაკავშირებით ეს არასასიამოვნო სიტუაცია მოხდა, მის გადარჩენაში დახმარების მიზნით მოვიდნენ ჩინელები, რომლებიც დროებით აფხაზეთში ცხოვრობენ და სათბურებში ბოსტნეული მოჰყავთ. დაგვარწმუნეს, რომ ხეების მსგავს დაზიანებებს ჩინეთში სპეციალური პრეპარატით მკურნალობენ. აღმოჩნდა, რომ მთელი ინსტიტუტია, რომელიც ამ პრეპარატს ქმნის. ჩინელებმა შეუკვეთეს და დაგვეხმარნენ მოსკოვამდე მიწოდებაში, იქიდან კი ჩვენი არხებით ჩამოვიტანეთ აფხაზეთში“.
30 ერთლიტრიანი წვეთოვანი აფხაზეთში რამდენიმე დღის წინ ჩავიდა. ეს რაოდენობა ერთ კვირაზეა გათვლილი. ჭითანავას თქმით, პროცედურას კიდევ ერთხელ გაიმეორებენ, შემდეგ კი დადებით შედეგს დაელოდებიან.
ცაცხვის ხე, რომელიც 150 წელზე მეტს ითვლის, 5 აპრილს, ბენზო ხერხით დააზიანეს. მის გარშემო გაკეთებული ნაჭდევის სიღრმე 15-დან 20 სანტიმეტრამდეა. მეორე დღეს შემთხვევის ადგილზე აფხაზეთის დე ფაქტო პრეზიდენტი ასლან ბჟანია ჩავიდა და განაცხადა, რომ „ეს შემზარავი ფაქტი დანაშაულია, რომელიც აუცილებლად უნდა გახსნილიყო“. 11 აპრილს ხის უკანონო ჭრის ბრალდებით ძმები - ირაკლი და დაურ ბაღათელიები დააკავეს.
ცაცხვის ხეს აფხაზეთის ისტორიული, კულტურული და ბუნებრივი მემკვიდრეობის „არაოფიციალურ სიმბოლოს“ უწოდებენ.
