ჩრდილოატლანტიკური ხელშეკრულების ორგანიზაციაში (ნატო) საქართველოს წარმომადგენლად ირაკლი ბერაია დაინიშნა. ამის შესახებ ინფორმაცია „ქართული ოცნების“ საგარეო საქმეთა სამინისტრომ გაავრცელა.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 5 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
- 6 აფხაზი ბლოგერი დაურ ბუავა თბილისში გარდაცვლილი იპოვეს
ახალ თანამდებობაზე დანიშვნამდე, 2025 წლის აპრილიდან სექტემბრამდე, ირაკლი ბერაია სახელმწიფო უსაფრთხოების სამსახურის უფროსის პირველი მოადგილის პოზიციას იკავებდა. მანამდე, ერთი წლის განმავლობაში, საქართველოს დაზვერვის სამსახურის უფროსი იყო.
ბერაია „ქართული ოცნების“ წევრი და ორი მოწვევის პარლამენტის დეპუტატია. 2020-2024 წლებში, მეათე მოწვევის პარლამენტში, მას თავდაცვისა და უშიშროების კომიტეტის თავმჯდომარის თანამდებობა ეკავა, იყო საპარლამენტო დელეგაციის ხელმძღვანელი ნატოს საპარლამენტო ასამბლეაში.
ამ პერიოდში მან მხარი დაუჭირა ე.წ. უცხოეთის აგენტების შესახებ რუსული კანონის მიღებას და თავი გამოიჩინა კოლეგის, თეონა აქუბარდიას მიმართ სექსისტური და შეურაცხმყოფელი განცხადებით.
მეცხრე მოწვევის პარლამენტში ბერაია საგარეო საგარეო საქმეთა კომიტეტს თავმჯდომარეობდა. 2012-2015 წლებში ის შინაგან საქმეთა სამინისტროში, რეფორმებისა და განვითარების დეპარტამენტის დირექტორად მუშაობდა, ხოლო 2015-2016 წლებში სახელმწიფო უსაფრთხოების სამსახურის საინფორმაციო-ანალიტიკური დეპარტამენტს ხელმძღვანელობდა.
2020 წლიდან ნატოში საქართველოს წარმომადგენელი ვიქტორ დოლიძე იყო. სხვადასხვა დროს ამ თანამდებობას იკავებდნენ ლევან დოლიძე (ვიქტორ დოლიძის ძმა), ალექსანდრე მაისურაძე და გეგა მგალობლიშვილი.
