შოვში, სტიქიის ზონაში, ე.წ. კოტეჯების ტერიტორიაზე მიმდინარე საძიებო სამუშაოების შედეგად, მაშველებმა კიდევ ერთი ცხედარი იპოვეს. დაღუპულთა რაოდენობა 18-მდე გაიზარდა. როგორც „ქართული ოცნების“ თავმჯდომარემ, ირაკლი კობახიძემ განაცხადა, დაკარგულია 18 ადამიანი.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 3 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 4 ოქტომბრის საქმეზე დაკავებული 13 პირის ვინაობა ცნობილია
„გრძელდება ძებნის სამუშაოები. დღეს კიდევ ერთი ცხედარი იქნა ნაპოვნი მაშველების მიერ. რამდენიმე ცხედრის ამოცნობა ჯერჯერობით არ მომხდარა. გარკვეულ შემთხვევებში, დაზიანებიდან გამომდინარე, შეიძლება საჭირო გახდეს დნმ-ის ანალიზის ჩატარებაც. მთლიანობაში 36 ადამიანი იყო დაკარგული, 18 ცხედარი არის ნაპოვნი, 18 არის დაკარგული“, - განაცხადა კობახიძემ.
რაჭა-ლეჩხუმ-სვანეთის მაჟორიტარი დეპუტატის, გოჩა ენუქიძის თქმით, ქუთაისის პროზექტურაში უკვე გადასვენებული 17 ცხედრიდან 12 იდენტიფიცირებულია.
ცნობილია, რომ გარდაცვლილებს შორის არიან გიორგი გოგინაშვილი, ნინო კენჭაძე, გიორგი ბერიაშვილი, უკრაინის მოქალაქე ალინა პოლიკოვსკა და რუსეთის მოქალაქე ქსენია ტრიჩევა.
