მთავრობამ პრეზიდენტ სალომე ზურაბიშვილს აზერბაიჯანში საქართველოს ელჩის, ზურაბ პატარიძის თანამდებობიდან გათავისუფლების შესახებ წინადადება წარუდგინა.
ახალი ამბები
მკითხველის რჩეული
- 1 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 4 მასობრივი ცენზურა - დევნა Facebook-ის სტატუსებისთვის
- 5 სალომე ზურაბიშვილი 5 000 ლარით დააჯარიმეს გზის გადაკეტვისთვის
- 6 საკადრო ცვლილებები შსს-ში - ხარაზიშვილი გაათავისუფლეს, კუპატაძე და სირაძე ჩამოაქვეითეს
ირაკლი კობახიძის მიერ 20 აგვისტოს ხელმოწერილი განკარგულებით, ზურაბ პატარიძე აზერბაიჯანში საქართველოს საგანგებო და სრულუფლებიანი ელჩის პოსტს 2025 წლის 1-ელი იანვრიდან დატოვებს.
ზურაბ პატარაძე აზერბაიჯანში საქართველოს ელჩად 6 წლის წინ, 2018 წლის აგვისტოში დაინიშნა. კანონის მიხედვით, დიპლომატიურ წარმომადგენლობაში როტაციის წესით სამუშაო მივლინების თითოეული ვადა დიპლომატიური წარმომადგენლობის მეთაურისათვის 4 წელია.
აზერბაიჯანში საქართველოს ელჩად დანიშვნამდე ორი წლის განმავლობაში ზურაბ პატარიძე აჭარის მთავრობის თავმჯდომარის პოსტს იკავებდა.
სხვადასხვა დროს პატარიძე იყო საქართველოს საგანგებო და სრულუფლებიანი ელჩი ყაზახეთსა და თურქეთში, საქართველოს გენერალური კონსული ქალაქ სალონიკში და საქართველოს საელჩოს კონსული რუსეთის ფედერაციაში.
