მოსკოვის ვნუკოვოს აეროპორტში საბაჟოს თანამშრომლებმა საქართველოდან ჩასულ მგზავრს არადეკლარირებული თანხა - 105 000 აშშ დოლარი აღმოუჩინეს. ამის შესახებ რუსული მედია ფედერალური საბაჟო სამსახურზე დაყრდნობით წერს.
ახალი ამბები
მკითხველის რჩეული
- 1 სასამართლომ „ლუკოილ ჯორჯიას“ მითვისებული საწვავის დაბრუნება დაავალა
- 2 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 3 პაპუაშვილი: ამ ომს ნამდვილად ჰყავს ორი დამარცხებული - უკრაინა და ევროკავშირი
- 4 სუს-ის ყოფილი უფროსის ნათესავი ბიჭიკო პაიკიძე ესპანეთში დააკავეს
- 5 ევროკომისია: საქართველომ შეიძლება სრულად დაკარგოს ევროკავშირთან უვიზო რეჟიმი
- 6 სამხრეთ კორეაში საქართველოს ელჩი გაათავისუფლეს – პაპასქუა საგარეო უწყებას ტოვებს
„ვნუკოვოს საბაჟოს თანამშრომლებმა 105 000 დოლარის კონტრაბანდა აღკვეთეს. საქართველოდან ფულის კონტრაბანდულად შემოტანა 43 წლის რუსეთის მოქალაქემ სცადა“, - განაცხადეს უწყებაში.
საბაჟო სამსახურის ცნობით, ოფიცრებმა ქალი მწვანე დერეფანში გააჩერეს და მან ზეპირი გამოკითხვის დროს აღიარა, რომ თან ჰქონდა 105 000 აშშ დოლარი, რომელიც თბილისში დაადეკლარიდა. ქალმა ასევე განმარტა, რომ არ იცნობდა რუსეთის საბაჟო რეგულაციებს და შესაბამისად, დეკლარაცია არ წარუდგენია.
სისხლის სამართლის საქმე განსაკუთრებით დიდი ოდენობით ნაღდი ფულის კონტრაბანდის ფაქტზე აღიძრა. დანაშაული ითვალისწინებს ჯარიმას ან ოთხ წლამდე თავისუფლების აღკვეთას.
რუსეთში 10 000 აშშ დოლარის ეკვივალენტზე მეტი ნაღდი ფულის საბაჟო ტერიტორიაზე შეტანისას, მისი დეკლარირებაა საჭირო. გარდა ამისა, ერთდროულად 100 000 აშშ დოლარზე მეტი თანხის გადატანისას, მგზავრმა დეკლარაციას უნდა დაერთოს თანხების წარმოშობის დამადასტურებელი დოკუმენტები.
