არჩევნებამდე 12 დღით ადრე, „ძლიერი საქართველო – ლელოს“ ბოლნისის მერობის კანდიდატმა, ასაფ ჩირაგოვმა განაცხადა, რომ საკუთარ კანდიდატურას „ქართული ოცნების“ კანდიდატის, ზამურ ჭითანავას სასარგებლოდ ხსნის.
ახალი ამბები
მკითხველის რჩეული
- 1 სუს-მა მცხეთა-მთიანეთის გუბერნატორის მოადგილე ქრთამის აღების ბრალდებით დააკავა
- 2 „რესი“: თბილისმა აღაიარა ის, რასაც სამხრეთ ოსეთსა და რუსეთში ამდენი წელი ელოდნენ
- 3 დიდმა ბრიტანეთმა ლევან ვასაძე და ოთარ ფარცხალაძე დაასანქცირა
- 4 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 5 კიევზე რუსეთის მასირებული შეტევის შედეგად დაღუპულთა რიცხვი 18-მდე გაიზარდა
- 6 1920 წელს რუსეთის არმია შემოიჭრა და აზერბაიჯანი დაიპყრო, სახელმწიფო წაგვართვეს – ალიევი
სოციალურ ქსელ Facebook-ში ჩირაგოვი წერს, რომ კონკრეტული ადამიანები მისი „რესურსის“ საკუთარი პოლიტიკური ინტერესებისთვის გამოყენებას ცდილობენ. გარდა ამისა, როგორც ის ამბობს, დარწმუნდა, რომ „ქართული ოცნების“ კანდიდატი „გამარჯვების შემდეგ მართლაც იზრუნებს“ ბოლნისზე.
„საზოგადოებამ, განსაკუთრებით კი ბოლნისის მოსახლეობამ, კარგად იცის, რომ პოლიტიკურმა პარტია „ლელომ“ ბოლნისში მერობის კანდიდატად დამასახელა. აღნიშნულ შემოთავაზებაზე თანხმობა მხოლოდ იმიტომ განვაცხადე, რომ ნამდვილად მაქვს სურვილი, ჩემი შესაძლებლობები მშობლიურ მხარეზე ზრუნვას მოვახმარო.
სამწუხაროდ, ძალიან მალე დავრწმუნდი, რომ კონკრეტული ადამიანები ცდილობენ, ჩემი რესურსი და გულწრფელი სურვილი საკუთარი პოლიტიკური ინტერესების დაკმაყოფილებისთვის, ინსტრუმენტად გამოიყენონ.
მეორე მხრივ, დავრწმუნდი, რომ „ქართული ოცნების“ კანდიდატი, ბატონი ზამურ ჭითანავა, გამარჯვების შემდეგ მართლაც იზრუნებს ბოლნისის განვითარებასა და მუნიციპალიტეტის მოსახლეობის ინტერესების დაცვაზე.
სწორედ ამიტომ, აღარ ვაპირებ ბატონ ზამურთან ხმების გაყოფას და გადავწყვიტე, საკუთარი კანდიდატურა მის სასარგებლოდ მოვხსნა.
დღესდღეობით ნამდვილად არ არის კინკლაობისა და უშინაარსო პოლიტიკური დაპირირსპირების დრო, ახლა ყველაზე მთავარია შევინარჩუნოთ მშვიდობა და სტაბილურობა, რაზეც განვითარებისკენ მიმავალი ერთადერთი გზა გადის“, – წერს ასაფ ჩირაგოვი.
ადგილობრივი თვითმმართველობის არჩევნები, რომელსაც ოპოზიციიის უდიდესი ნაწილი ბოიკოტს უცხადებს, 4 ოქტომბერს გაიმართება. „ძლიერმა საქართველომ“ და ექსპრემიერ გიორგი გახარიას პარტიამ „საქართველოსთვის“ თანამშრომლობის შესახებ მემორანდუმი გააფორმეს და არჩევნებში მონაწილეობას შეთანხმებული კანდიდატებით იღებენ.
ბოლო მონაცემებით, ამ ორ პარტიას 64 მუნიციპალიტეტიდან მხოლოდ 35-ში ჰყავს მერობის კანდიდატი. ესენია: თბილისი, სიღნაღი, ლაგოდეხი, მარნეული, ყაზბეგი, გორი, ბორჯომი, ხარაგაული, სამტრედია, ხონი, ჩოხატაური, ხობი, ზუგდიდი, ქედა, ქობულეთი, შუახევი, ხელვაჩაური, თელავი, ახმეტა, რუსთავი, მცხეთა, დუშეთი, კასპი, თერჯოლა, ზესტაფონი, ჭიათურა, წყალტუბო, ქუთაისი, ოზურგეთი, ლანჩხუთი, სენაკი, წალენჯიხა, ჩხოროწყუ, ბათუმი და ხულო.
