მაშველებმა ხარაგაულის მუნიციპალიტეტის სოფელ მარელისში, სარკინიგზო ლიანდაგზე ჩამოშლილი მიწის მასის ქვეშ მოყოლილი მამაკაცის ცხედარი იპოვეს. გარდაცვლილი 77 წლის პენსიონერი იური ქურდაძეა.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
ადგილობრივების ინფორმაციით, იური ქურდაძე საქონელს ეძებდა, რა დროსაც, მოულოდნელად მეწყერი ჩამოწვა.
„ვფიქრობ, რომ მეტი ყურადღება იქნება საჭირო, რომ ისეთი ადგილები, სადაც შეიძლება ასეთი მეწყერული ზონები იყოს, ყურადღებით იქნეს შესწავლილი, რათა მომავალში თავიდან ავიცილოთ ასეთი ფაქტები“, - განაცხადა ხარაგაულის მუნიციპალიტეტის მერმა, კობა ლურსმანაშვილმა.
საგანგებო სიტუაციების მართვის სამსახურის ინფორმაციით, მიწის მასის ქვეშ მოყოლილ მამაკაცს დრონისა და მაშველი ძაღლის საშუალებითაც ეძებდნენ.
მარელისში, რკინიგზასთან მეწყერი 1-ელ ივლისს ჩამოწვა, რის შედეგადაც სარკინიგზო მიმოსვლა შეჩერდა. საქართველოს რკინიგზამ რეისების ნაწილი 2 და 3 ივლისსაც გააუქმა. როგორც კომპანიაში აცხადებენ, ამ დროისთვის სადგურ მარელისთან ლიანდაგები სრულად გაწმენდილია და აღდგენილია საკონტაქტო ქსელი. მატარებლების მოძრაობის განახლება დღეს, 3 ივლისს, 17:00 საათიდან იგეგმება.
