საქართველოს პროკურატურამ, „ქართული ოცნების“ მხარდამჭერი რეჟისორისა და პროპაგანდისტის, გოგა ხაინდრავას ადვოკატების განცხადების საფუძველზე, ტელეკომპანია „ფორმულას“ წინააღმდეგ სისხლის სამართლის საქმე აღძრა. უწყება საქმეს „ცრუ დასმენის“ მუხლით იძიებს.
ახალი ამბები
მკითხველის რჩეული
- 1 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 2 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 3 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 4 ნატა ვიბლიანი პროკურატურამ დაზარალებულად ცნო
- 5 თბილისში გარდაცვლილი ტაილანდელი იუთუბერის ოჯახი სუიციდის ვერსიას უარყოფს
- 6 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
პროკურატურის განცხადებით, გამოძიება 16 ივნისს, სისხლის სამართლის კოდექსის 373-ე მუხლის 1-ელი ნაწილით დაიწყო. საფუძველი გახდა „შაბათის ფორმულას“ მიერ, 2026 წლის 17 იანვარს მომზადებული სიუჟეტი, რომელშიც წყაროზე დაყრდნობით ნათქვამი იყო, რომ გოგა ხაინდრავას 2016-2017 წლებში, სახელმწიფო უსაფრთხოების სამსახურთან შეთანხმებით, ქვეყანაში ინდოეთისა და პაკისტანის მოქალაქეები უკანონოდ, თანხის სანაცვლოდ შემოჰყავდა.
ხაინდრავამ სიუჟეტი „ქვეყნის ღალატად“ შეაფასა და სამართალდამცავ ორგანოებს გამოძიების დაწყება მოსთხოვა. პარალელურად, „ფორმულას“ წინააღმდეგ ის სამოქალაქო წესით სასამართლოშიც დავობს და „პატივისა და ღირსების შელახვისთვის“ მორალური ზიანის ანაზღაურებას ითხოვს.
16 ივნისს გამართულ მოსამზადებელ სხდომაზე ტელეკომპანიის ადვოკატმა, ეთერ ქათამაძემ განაცხადა, რომ მოსარჩელის მოთხოვნას არ ეთანხმებიან და სასამართლოში წარადგინეს 120-გვერდიანი მტკიცებულებები, რის გამოც მოსამზადებელი სხდომა 1-ელ ივლისამდე გადაიდო.
„ცრუ დასმენის“ მუხლით გამოძიების დაწყება კრიტიკული მედიის წინააღმდეგ აღქმულია, როგორც დაშინების მექანიზმი. ეს აიძულებს ჟურნალისტებს, გაამჟღავნონ წყაროები ან თავი შეიკავონ მაღალი საჯარო ინტერესის მქონე თემების გაშუქებისგან, რათა თავი აარიდონ სისხლის სამართლებრივ დევნას.
