საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ევროკომისიის ვიცე-პრეზიდენტმა, კაია კალასმა განაცხადა, რომ საგარეო საქმეთა საბჭოს დღევანდელ სხდომაზე საქართველოს საკითხზეც იმსჯელეს.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
„მინისტრებმა ნათლად განაცხადეს, რომ საქართველოში კანონის უზენაესობისა და ადამიანის უფლებების დაცვის კუთხით არსებული მდგომარეობა კვლავ უარესდება.
ევროპელ ელჩებზე პირადი თავდასხმები მიუღებელია და დიპლომატიაში მისი ადგილი არ არის.
კომისია ვიზების შეჩერების მექანიზმთან დაკავშირებით თავის ანგარიშს წელს მოგვიანებით წარადგენს - ახალი სავიზო რეგულაციის ნოემბერში ამოქმედდებით. ეს საშუალებას მოგვცემს, გარკვეული ჯგუფებისთვის უვიზო რეჟიმი გავაუქმოთ“, - განაცხადა კალასმა პრესკონფერენციაზე.
ევროპარლამენტმა 7 ოქტომბერს უვიზო რეჟიმის შეჩერების მექანიზმის გამარტივებას დაუჭირა მხარი. მექანიზმი ევროკომისიას საშუალებას აძლევს კონკრეტული ქვეყნისთვის სავიზო მოთხოვნები აღადგინოს - თავდაპირველად დროებით, შემდეგ კი მუდმივად, თუ პრობლემები არ აღმოიფხვრება. უვიზო მიმოსვლის შეჩერების საფუძვლებს ადამიანის უფლებების დარღვევაც დაემატა.
მესამე ქვეყნების მთავრობების მიერ უვიზო მიმოსვლის შეთანხმებების პირობების დარღვევის თავიდან ასაცილებლად, ახალი კანონი ევროკავშირს მეტ მოქნილობას მისცემს, შეაჩეროს უვიზო მიმოსვლა იმ საჯარო მოხელეებისთვის, რომლებიც შესაძლოა პასუხისმგებელნი იყვნენ ადამიანის უფლებების ან მათი მთავრობის მხრიდან სხვა სახის დარღვევებზე.
აღსანიშნავია, რომ ევროპარლამენტის სოციალ-დემოკრატების ფრაქცია ევროკომისიას მოუწოდებს, უვიზო მიმოსვლის უფლება 1000-დან 2000-მდე ქართველ თანამდებობის პირს და მათ ოჯახის წევრებს შეუჩეროს.
