კახეთში უცხო ქვეყნის მოქალაქე ქალი მოკლეს

მოკლული ქალი უზბეკეთის მოქალაქეა. ადგილობრივების ინფორმაციით, მას თავზე ჭრილობა ჰქონდა. სავარაუდოდ, ქალს ჯერ ბლაგვი საგანი ჩაარტყეს, შემდეგ კი მდინარე იორში გადააგდეს.

ცხედარი ექსპერტიზაზეა გადასვენებული. შინაგან საქმეთა სამინისტროს ცნობით, მომხდარზე გამოძება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

გასულ წელს საქართველოში 21 ქალი მოკლეს, 19-ის მკვლელობა სცადეს.

2014-2022 წლებში, ჩადენილია 186 ქალის მკვლელობა. ოჯახური ნიშნით 92 ქალი მოკლეს, ხოლო სხვა მოტივით - 94. ამავე პერიოდში რეგისტრირებულია ქალის მკვლელობის მცდელობის 129 შემთხვევა, მათ შორის, ოჯახური ნიშნით - 79, ხოლო სხვა მოტივით - 50.

გენდერის, ასევე ოჯახური ნიშნით ჩადენილი ქალის განზრახ მკვლელობა 16-დან 20 წლამდე ან უვადო თავისუფლების აღკვეთით ისჯება.