ქართული ავიაკომპანია „ჯორჯიან ეარვეისი“ თბილისიდან დაღესტნის ქალაქ მაჰაჩყალის მიმართულებით ავიარეისების შესრულებას გეგმავს. მაჰაჩყალის საერთაშორისო აეროპორტის ოფიციალურ ვებგვერდზე გამოქვეყნებული განრიგის მიხედვით, რეისები შესრულდება 23 ნოემბრიდან 30 მარტის ჩათვლით, კვირაში სამჯერ - სამშაბათს, ხუთშაბათს და შაბათს.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
დღეისათვის „ჯორჯიან ეარვეისი“ რუსეთში მხოლოდ თბილისი-მოსკოვი-თბილისის რეისებს ასრულებს. საქართველო-რუსეთს შორის კი თბილისის, ქუთაისისა და ბათუმის აეროპორტებიდან რუსეთის ფედერაციის 8 ქალაქის მიმართულებით ავიარეისებს ასრულებენ ავიაკომპანიები - Red Wings, Azimuth და Georgian Airways.
2019 წლის ივლისიდან საქართველოსა და რუსეთს შორის პირდაპირი ავიამიმოსვლა აღარ არსებობდა. პირდაპირი ფრენები რუსეთის პრეზიდენტის ვლადიმერ პუტინის გადაწყვეტილებით შეწყდა, რასაც წინ საქართველოს პარლამენტში რუსეთის დუმის დეპუტატის, სერგეი გავრილოვის ვიზიტთან დაკავშირებით თბილისში გამართული საპროტესტო გამოსვლები უძღოდა.
საქსტატის მონაცემებით, 2023 წლის ივლისი-სექტემბრის პერიოდში ყველაზე მეტი ვიზიტორი, 478.4 ათასი რუსეთის ფედერაციიდან შემოვიდა, რაც ვიზიტორების ჯამური რაოდენობის 24.4%-ია. მეორე ადგილზეა თურქეთი 21.3%-იანი წილით, ხოლო მესამეზე - სომხეთი 12.9%-იანი წილით.
ვიზიტორების უმრავლესობა (46.5%) 31-50 წლამდე ასაკის არის. ყველაზე მეტი ვიზიტორი (58.9 %) დასასვენებლად და გასართობად შემოვიდა.
