ისტორიაში პირველად საქართველოს ნაკრებმა ზამთრის ოლიმპიურ თამაშებზე მედალი მოიპოვა. ლუკა ბერულავასა და ანასტასია მეტელკინას წყვილმა მოკლე და თავისუფალ პროგრამებში, ჯამში, 221.75 ქულა დააგროვა და ვერცხლის მედალი მოიგო.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 მეუფე ისაია უარყოფს, თითქოს კანდიდატურა მოსაყდრე შიოს სასარგებლოდ მოხსნა
- 6 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
პირველ ადგილზე იაპონიის წარმომადგენლები, რიკუ მიურა და რიუიჩი კიჰარა გავიდნენ (231.24 ქულა). საუკეთესო სამეულში მოხვდა გერმანიის ნაკრები, რომელსაც მინერვა ჰასეს და ნიკიტა ვოლოდინის წყვილი წარმოადგენდნენ (219.09).
20 წლის ანასტასია მეტელკინა რუსეთიდანაა და საქართველოს ნაკრებში 2020 წლიდან ასპარეზობს, ბერულავა კი - 23 წლის არის. სპორტსმენები ევროპის ჩემპიონები (2026 წელი), ვერცხლის (2024 წელი) და ბრინჯაოს (2025 წელი) მედალოსნები არიან.
ზამთრის XXV ოლიმპიური თამაშები 22 თებერვალს დაიხურება. ოლიმპიურ თამაშებზე საქართველო სპორტის ორ სახეობაში - ფიგურულ ციგურაობასა და სამთო-სათხილამურო სპორტში - 8 სპორტსმენითაა წარმოდგენილი.
