ირანის უზენაესი ლიდერი, 86 წლის აიათოლა ალი ხამენეი მოკლულია. ამის შესახებ სააგენტო Reuters-ი წყაროზე დაყრდნობით იუწყება. მისი ცხედარი მისსავე დანგრეულ რეზიდენციაში იპოვეს.
ახალი ამბები
მკითხველის რჩეული
- 1 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 2 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
- 3 6 პოლიციელი დააკავეს გორში მოქალაქეებზე ძალადობის ბრალდებით
- 4 „ყველა სცემდა, ვინც მოვიდა“ - გორში პოლიციელებმა მოქალაქეები სასტიკად სცემეს
- 5 „პოლიციელს ქვით დაუზიანა ჯანმრთელობა“ – შს მინისტრის მოადგილე გორში ძალადობაზე
- 6 დღეიდან საგზაო მოძრაობის წესების დარღვევაზე ჯარიმები გაიზარდა
იგივე ინფორმაცია გაავრცელა ისრაელის მედიამაც. გამოცემა Axios-ი იუწყება, რომ ისრაელის ელჩმა აშშ-ში ხამენეის გარდაცვალების შესახებ ამერიკელ მაღალჩინოსნებს აცნობა.
ირანს ეს ცნობები არ დაუდასტურებია.
ისრაელის პრემიერ-მინისტრის, ბენიამინ ნეთანიაჰუს თქმით, „არსებობს მრავალი ნიშანი იმისა, რომ ხამენეი ცოცხალი აღარ არის“. როგორც მან აღნიშნა, ისრაელის სამიზნე იყო ის ადგილი, სადაც ირანის სულიერი ლიდერი იმყოფებოდა.
ნეთანიაჰუმ განაცხადა, რომ დარტყმები გაგრძელდება იქამდე, სანამ საჭირო იქნება.
დღეს, 28 თებერვალს, ამერიკის შეერთებულმა შტატებმა და ისრაელმა ირანს შეუტიეს. თანამგზავრიდან გადაღებული ფოტოები აჩვენებს, რომ საჰაერო დარტყმების შედეგად ირანის უზენაესი ლიდერის რეზიდენცია ძლიერ დაზიანდა.
ირანის საგარეო საქმეთა მინისტრმა აბას არაღჩიმ შუადღისას განაცხადა, რომ აიათოლა ალი ხამენეი, „რამდენადაც მას აქვს ინფორმაცია“ ცოცხალია და რომ ისლამური რესპუბლიკის წინააღმდეგ ისრაელ-აშშ-ს სამხედრო ოპერაციის დროს ქვეყნის უმაღლესი ხელმძღვანელობის არცერთი წევრი არ დაღუპულა.
