პრემიერ-მინისტრი ირაკლი კობახიძე 18 ივლისს ევროპის პოლიტიკური გაერთიანების სამიტში მიიღებს მონაწილეობას, რომელიც გაერთიანებულ სამეფოში, ქალაქ ვუდსტოკში, ბლენჰაიმის სასახლეში გაიმართება.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 6 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
მთავრობის ადმინისტრაციის ცნობით, პრემიერ-მინისტრთან ერთად საქართველოს დელეგაციაში იქნებიან საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი ლევან ჟორჟოლიანი.
ევროპის პოლიტიკური გაერთიანების მეოთხე შეხვედრაში მონაწილეობის მისაღებად მიწვეულია 47 სახელმწიფოს და მთავრობის მეთაური. სამიტს დაესწრებიან: ევროკავშირის 27 წევრი ქვეყანა, ალბანეთი, ანდორა, სომხეთი აზერბაიჯანი, ბოსნია და ჰერცოგოვინა, საქართველო, ისლანდია, კოსოვო, ლიხტენშტეინი, მოლდოვა, მონაკო, მონტენეგრო, ჩრდილოეთ მაკედონია, ნორვეგია, სან მარინო, სერბეთი, შვეიცარია, თურქეთი, უკრაინა, გაერთიანებული სამეფო.
ლიდერები განიხილავენ უკრაინის მხარდაჭერის გაგრძელებას, ისევე როგორც საერთო გამოწვევებს, როგორიცაა ენერგეტიკა და დაკავშირებადობა, მიგრაცია, უსაფრთხოება და დემოკრატია.
სამიტზე ევროკავშირს ევროპული საბჭოს პრეზიდენტი შარლ მიშელი წარმოადგენს.
